Në Bundesligë festa e Bayern Mynchen për titullin është shtyrë. Skuadra bavareze ka barazuar pa gola në transfertë kundër Leipzig, duke e lënë diferencën në 2 pikë me Dortmund 1 javë para përfundimit të kampionatit.
Skuadra verdhezi nga ana tjetër ka fituar me shifrat 3-2 kundër Dusseldorf. Në “Sigal Iduna Park” takimi u zhbllokua në minutën e 42 nga Christian Pulisic, ndërsa menjëherë pas fillimit të pjesës së dytë miqtë treguan karakter duke barazuar me Fink. Gjithsesi ky rezultat nuk do të zgjaste shumë, pasi Delenay kaloi edhe një herë në avantazh verdhezinjtë, ndërsa në minutat shtesë Gotze shënoi edhe golin e tretë.
Para se të mbyllej takimi Dusseldorf arriti të shkurtonte diferencat, por në fund Dortmund-i mori një fitore që e mban të hapur garën për titull deri në javën e fundit.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)