Deputeti i përjashtuar i Partisë Socialiste ka reaguar në Facebook në lidhje me kërkesën e Prokurorisë për kallëzim të rremë duke u shprehur se ai nuk ka bërë asnjë kallëzim.

Doshi shkruan se po tentohet një burgosje politike ndaj tij me qëllimin për ta mbyllur çështjen në favor të kreut të parlamentit Ilir Metës.

Pavarësisht kësaj Doshi ka shkruar gjithashtu se akuza e ngritur ndaj tij si dëshmi e rreme nuk mund të dënohet me burg pasi është një kundravajtje e lehtë dhe dënohet me gjobë ose dënim të lehtë.
 
doshi

Ja statusi i plote i Tom Doshit në Facebook

Po tentohet nje burgosje politike ndaj meje, me qellim qe te shfajesohen nga pergjegjesia penale Ilir Meta per tentative vrasje dhe Prokurori I Pergjithshem per mosveprim ndaj krimit per 6 muaj. Kete e kuptojne sot I madh dhe I vogel.
Me bejne 3 akuza:
Per kallzim te rreme: kjo bie poshte menjehere sepse kallzimin nuk e ka bere Tom Doshi. Ne faqen zyrtare te prokurorise se pergjithshme akoma eshte deklarata qe thote se hetimet kane filluar kryesisht nga nje kallzim qe e ka bere Policia.
Per kanosje: ne kerkesen e prokurorit nuk ka asnje thenie apo prove se kush eshte kanosur prej meje.
Per deshmi te rreme: Kjo eshte nje kundervajtje penale qe denohet me gjobe dhe denim te lehte, per te cilen deri sot nuk eshte arrestuar ne proces hetimi asnje shqiptar. Nuk ka asnje rast te vetem ne 24 vjet demokraci.
Pavaresisht se akuzat jane diskretituese per ata qe I bejne, une I kam kerkuar Keshillit te Mandateve sot qe te me japin materialet argumentuese dhe provat e Prokurorit te Pergjithshem, te cilat deri tani nuk mi kane dhene. Pasi ti marr, do bej mbrojtje te detajuar te tyre dhe do te njoftoj publikun.

Redaksia online
(f.m/shqiptarja.com)