TIRANE- Një orë që mbahej në dorën e deputetit Tom Doshi, mendohet se ka shërbyer për përgjimin e prokurorëve gjatë seancave të ballafaqimit mes Durim Bamit, Mark Frrokut dhe Tom Doshi. Këto dyshime kanë lindur nga grupi hetimor pasi kanë vërejtur veprime të dyshimta të Tom Doshit, teksa ai ka dhënë dëshmi para prokurorëve.

Deputeti tashmë i përjashtuar nga Partia Socialiste, ka dyshime se ka kryer përgjimin e prokurorëve me qëllim përdorimin e videove apo audiove në një periudhë të mëvonshme. Një veprim të tillë Doshi mund ta ketë kryer me orën e tij ose me anë të aparatit celular.