POP 5

Lajmet më të lexuara të 5 minutave të fundit

Politikë

Lajme nga emisionet

Dosja e agjentit të FBI, deputeti Sula në ‘Kontrast’: McGonigal, mashtrues që erdhi për të bërë para! Kur SHBA të flasë Rama ose pastrohet ose fundoset

I ftuar në ‘Kontrast’ në Report Tv përballë gazetarëve Denis Minga dhe Lorenc Vangjeli, Sula tha se deri tani konfirmohet se Rama ka vepruar në mënyrë të gabuar dhe është mashtruar nga ish agjenti amerikan, por nuk e përjashtoi mundësinë që fakte të reja të dalin.

Deputeti i Partisë Demokratike, Dashnor Sula, e konsideron një mashtrues ish zyrtarin e lartë të FBI, Charles McGonigal, i cili sipas tij erdhi në Shqipëri për të bërë ca lekë.

I ftuar në ‘Kontrast’ në Report Tv përballë gazetarëve Denis Minga dhe Lorenc Vangjeli, Sula tha se deri tani konfirmohet se Rama ka vepruar në mënyrë të gabuar dhe është mashtruar nga ish agjenti amerikan, por nuk e përjashtoi mundësinë që fakte të reja të dalin.

“Unë nuk kam dalë kurrë t’i them dikujt hajdut. Kjo është kultura ime që flas me prova.  Edhe në rastin konkret unë nuk po them që Rama ka marrë çantën me lekë dhe ia ka dhënë atij.  Por mënyra se si ka vepruar është totalisht e gabuar.  Dhe ka ardhur ai miku amerikan këtu dhe ‘ka shi lamë këtu’, me kryetarë bashkie, prokurorë, gjyqtarë, politikanë biznesmenë.  Hollë-hollë ai ka kuptuar që ka politikanë hajdut, gjyqtarë politikë. Një mashtrues që erdhi dhe shfrytëzoi rrethanat e këtij vendi për të bërë para”, tha deputeti demokrat, Dashnor Sula, duke qenë kështu jo në ‘sinkron’ me kolegët e tij opozitarë që kanë akuzuar Ramën se ka qenë ai që ka korruptuar McGonigal për të shkatërruar parti politike të opozitës.

“Erdhi këtu mashtroi, mori ca lekë, premtoi se do t’i bjerë opozitës por nuk realizoi asgjë se atje kishte filtra të tjerë. Zotëria ka ardhur disa herë këtu dhe duke shfrytëzuar takimin me Ramën, qasjen me Ramën, fotografitë me Ramën, Ai ka bërë namin. Ka mbledhur para. Ai ka pasur aktivitet disavjeçar në Shqipëri. Një ish sigurims nga Tropoja, këshilltari i kryeministrit, ai tjetri kryetari i bashkisë etj”, tha deputeti.

I pyetur nga gazetari Minga se pse nuk ka ende një qëndrim të ambasadës së Shteteve të Bashkuara në Tiranë, deputeti tha shkurt se “Kur të flasin ata ose pastrohet Edi Rama, ose fundoset Edi Rama”. Dashnor Sula komentoi edhe kaosin e krijuar sot në Kuvend.

“Kërkesa për interpelancë nuk delegohet. Kryeministri nëse nuk do të kishte kohë mund të kishte njoftuar  dhe ta shtynim për javën tjetër.  Më i forti duhet të jetë më i arsyeshëm, më tolerant”, tha ai.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • usa*: 03/02/2023 02:59

    PERSONI A. ESHTE PERDORUR NGA US PER TE LARGUAR NGA POLITIKA BERISHEN RAMEN DHE METEN BERISHA ESHTE NON GRATA METÀ SHUME SHPEJT DO JETE NON GRATA RAMA ME KETE DOSJE ESHTE 100% NON GRATA SAPO TE MOS JETE PM

    Përgjigju
  • Ben: 02/02/2023 19:37

    Shyqyr o Dash,koke shpulla qe fole tamom.Lere te flase Amerika,se ju te beni gjyqe,jepni vendime pa qene dijeni per asgje.Sala dhe ju sajoni scenare per filma Hollywoodi

    Përgjigju
  • Edi: 02/02/2023 19:31

    Dashi gjelave,ke nei arbiter tjeter me sha si kurve histerike?

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

DOSJA/ 'Mami është mërzitur, nuk e keni falenderuar', fjalët e Megi Fetahut 'prekin' Suel Çelën: Për Pajtimen hidhemi të gjithë në zjarr

DOSJA/ 'Mami është mërzitur, nuk e keni falenderuar', fjalët e Megi Fetahut 'prekin' Suel Çelën: Për Pajtimen hidhemi të gjithë në zjarr

27 Nëntor, 22:46