Dosja e SPAK-ut për grupet kriminale të Elbasanit, zbulon edhe ngjarje të tjera të rënda nëpërmjet zbardhjes së komunikimeve në platformën e enkriptuar SKY ECC.
Një prej tyre është edhe sulmi ndaj gazetarit Gjergj Zefi.
Dosja e SPAK për grupin kriminal të Suel Çelës në Elbasan, ku të përfshirë janë gjyqtarë, ish gjyqtarë, drejtues policie, biznesmenë, killera, ushtarë dhe njerëz të medias, (21 persona në total deri tani) zbulon edhe rolin e të dyshuarit Renato Bodurri, nga Elbasani.
Ai dyshohet si autor i sulmit fizik ndaj gazetarit Gjergj Zefi, mbrëmjen e 3 Tetorit 2023, në rrugën “Bardhok Biba” në Tiranë, duke i shkaktuar dëmtime të rënda.
Makina e Renato Bodurrit rezulton se u përdor për të goditur gazetarin Gjergj Zefi. Nga ana tjetër, Bodurri është menaxher në lokalin e famshëm ‘Living’ në Elbasan, në pronësi të grupit Çopja. Sipas hetimeve nga SPAK, Bodurri dyshohet si mbulesë për të paktën 72 pasuri të organizatës, përfshirë edhe Hajder Çopjan, i njohur si ‘Dari i Dubait’, porositës i disa vrasjeve.
Pas shoqërimit dhe marrjes në pyetje, Bodurri u lirua, duke dhënë si alibi faktin se nuk kishte lidhje me ngjarjen dhe se makinën e tij ia kishin marrë pa pasur dijeni. Por sipas dosjes së re të SPAK për përgjimet e ardhura, Bodurri implikohet në këtë grup të goditur. Bodurri rezulton përdorues i aplikacionit SkyEcc dhe ndërlidhës me gjyqtaren Pajtime Fetahu, e cila kishte porositur gjithashtu goditjen e gazetarit Saimir Kodra dhe të avokatit Arben Llangozi.
Marjus Lulaj komunikon me Renato Bodurrin në SkyEcc, të cilit i kërkon që të dërgonte telefonin një personi, për të folur me të. Marjus Lulaj është lidhje e ngushtë e Endri dhe Klejdi Çopja, pjesë e grupit të Suel Çelës, shkruan "Prapaskena".
Më tej, telefoni i shkon Megi Fetah, vajza e gjyqtares Pajtime Fetahu, e cila thotë se ‘mami është e lumtur që po komumunikon me të’. Pajtime Fetahu interesohet nëse banda po e kryen porosinë e saj për të goditur fizikisht dhe ndoshta eliminuar gazetarin Saimir Kodra dhe avokatin Arben Llangozi.
Marjus Lulaj e informon se me kryerje e porosisë për aktin kriminal po merreshin Endri dhe Klejdi Çopja. Endri Çopja është akuzuar për atentatin ndaj Lul Kullës në vitin 2018 si dhe se ka qenë në makinë me Suel Çelën në vitin 2017, kur goditi automjetin e nëndrejtorit të policisë lokale.
Këto të dhëna të reja mund të rihapin edhe një herë dosjen e dhunës ndaj gazetarit Zefi, por edhe zbulimin e lidhjeve dhe ngjarjeve të tjera.
Lajme të tjera
-
Suel Çela ndikoi tek Ilir Meta për të rikthyer Pajtime Fetahun në gjyqësor
26 Nëntor, 21:16
-
DOSJA/ 446 kilogramë kokainë nga Amerika Latine në Holandë u kapën, bisedat e Suel Çelës dhe biznesmeni Shega: Na vodhën, të vrasim, duhet shembull
26 Nëntor, 20:55
-
DOSJA/ Artan Hoxha me SKYECC, chat-i i kriminelëve! Me Suel Çelën inskenuan kërcënimin me mesazhe dhe foto! Përgatitën ‘skaletën’ e emisionit Opinion! Takimet e pagesat
26 Nëntor, 19:54
-
Video e bujshme/ 7 vite më parë, ja si Suel Çela merrte përpara me 'Audi' policinë në mes të Elbasanit
26 Nëntor, 19:12 -
Aksioni në Elbasan/ Bardhi: Banda ishte në shtabin e PS për vota, SPAK të hetojë ndikimin politik! Kush e emëroi motrën e 2 anëtarëve të grupit drejtoreshë të AZHT?
26 Nëntor, 16:15 -
Detaji/ Grupi i Suel Çelës akuzohet se qëndron edhe pas atentatit të dështuar ndaj ‘Vis Korçarit’ në Elbasan më 2020! Dy vite më parë u kap Qosja
26 Nëntor, 14:03 -
Operacioni i SPAK/ Dervishi në Report TV: Organizata vepronte si mafia lokale, bllokonte politikën, Policinë dhe Drejtësinë! Roli i gazetarëve ende i paqartë
26 Nëntor, 13:52 -
SPAK godet Organizatën kriminale të Suel Çelës në Elbasan! Trafikoi kokainë nga Amerika Latine në BE! Korruptoi shefin e krimeve e gjyqtaren! ''Gazetarët morën para për keqinformim''
26 Nëntor, 12:17 -
Operacioni i SPAK në Elbasan/ Mes 21 masave të sigurisë dhe emri i Sergej Hasanpapaj, 43-vjeçari akuzohet se u përfshi në vrasjen e Bledar Muçës
26 Nëntor, 10:48 -
Zbërthimi i SkyECC/ Mes 21 masave sigurie edhe emri i Prek Kodra, në 2021 u akuzua se do të vriste Albin Kurtin
26 Nëntor, 10:29 -
Porositi vrasjen e Saimir Kodrës / ‘Nuk po e gjejmë dot qenin, fle te Plaza’! Pajtime Fetahu: Është edhe Arben Llangozi, do përfundojë si Raviku. Vajza e gjyqtares: Mami e kënaqur që po flet me ju
26 Nëntor, 09:18 -
Buxheti 2025, Kuvendi shpërndan para shtesë për institucionet e drejtësisë! 100 mln lekë për godinën e re të SPAK, fond pagash për stafin e Komisionerit Publik
26 Nëntor, 07:06
