Tirane- SPAK goditi grupin kriminal të Suel Celës, një organizatë me bazë në Elbasan për trafikun ndërkombëtar të kokainës nga Amerika Latine dhe shpërndarjen e saj në vende të Bashkimit Evropian. Banda kriminale, e cila synim kryesor ka pasur kontrollin e territorit kryesisht në Shqipërinë e Mesme, sipas SPAK, kishte depërtuar në sistemin e drejtësisë, në polici dhe në media, për të favorizuar anëtarët e organizatës kriminale, për të rënduar pozitën e kundërshtarëve, dhe për të goditur deri në vrasje, pjesëtarët e grupeve rivale të fisit Çopja.
Me 21 masa sigurie, në mesin e të cilëve është edhe vetë kreu i bandës në kërkim ndërkombëtar Suel Çela, ish-gjyqtarja Pajtime Fetahu në arrest me burg, ish-shefi i Krimeve, Dedan Gjoni, por edhe 2 gazetarët, Elton Qyno dhe Artan Hoxha, SPAK thotë se në hetime ndihmuan edhe bisedat e zbardhura nga komunikimet në aplikacionin e koduar SKyEcc, për zbërthimin e të cilit ndihmuan edhe autoritetet e huaja.
NDIKIMI NË DREJTËSI
Sipas SPAK, organizata kishte arritur të korruptonte Dedan Gjonin (në arrest me burg edhe për dosjen Metamorfoza) i cili e ndihmonte organizatën me informacione, dhe ish-gjyqtaren Pajtime Fetahu e cila duke shfrytëzuar pozicionin e saj lehtësonte pozitën e drejtuesit Suel Çela dhe anëtarëve të tjerë të organizatës në proceset penale në ngarkim të tyre. Njëkohësisht – thotë zyrtarisht SPAK – grupit ndikonin te trupa gjyqësore për të rënduar pozitën ose masën e dënimit për anëtarët e grupit kundërshtar. Këto veprime të jashtëligjshme thotë SPAK, bëheshin në këmbim të favoreve dhe përfitimeve materiale, nga të ardhura që përfitoheshin nga trafiku i kokainës.
IMPLIKIMI I GAZETARËVE
Suel Çela– thotë SPAK ka synuar të manipulojë perceptimin publik për të inkriminuar rivalët e grupit Çopja, duke i paraqitur ata si të paprekshëm, me lidhje të mundshme me politikën. Për realizimin e këtij skenari, SPAK thotë se janë përdorur 2 gazetarët, ndaj të cilëve u caktua masa “detyrim paraqitje”.
“Trysnia për hetime pasurore në kuadër të OFL-së dhe nxitja e mediave për të marrë dëshmi nga individë që mund të inkriminojnë rivalët e tij do të krijonin, sipas Suel Çelës, në opinionin publik perceptimin se këta rivalë, për shkak të lidhjeve të dyshuara politike, janë bërë “të paprekshëm”. Dyshohet se këto synime i ka realizuar përmes bashkëpunimit me gazetarët Artan Hoxha dhe Elton Qyno, të cilët kundrejt përfitimeve monetare të paligjshme kanë mbajtur qëndrime në media, si dhe kanë publikuar artikuj dhe video që keqinformonin dhe manipulonin opinionin publik” thotë SPAK”, thuhet në njoftimin zyrtar të SPAK.
Gazetari Elton Qyno akuzohet për korrupsion pasiv në sektorin privat, ndërsa ndaj Artan Hoxhës, përveç të njëjtës akuzë rëndon edhe dyshimi si anëtar i organizatës kriminale.
PLANET PËR VRASJE
Goditja më e fortë që grupi i Suel Celës dyshohet se ka bërë ndaj rivalëve, është plani për të vrarë një nga njerëzit më të afërt të grupit Çopja, Bledar Muçën, i cili kishte shpëtuar në masakrën që iu bë Çopjave me 3 të vrarë e 6 të plagosur në lokalin e tyre në Elbasan. Muça cilësohej si njeriu më i afërt i numrit dy të organizatës, Florenc Çapja, që fshihet në Dubai. Bledar Muça u vra në Belgjikë më 22 janar të vitit 2022, por ndaj grupit të Suel Çelës SPAK ngre akuza vetëm për tentativën e vrasjes dhe jo ekzekutimin e tij jashtë vendit.
Sipas SPAK, Suel Çela fshihet edhe pas planit për të vrarë Ardian Çopjan, të konsideruar si kundërshtari më i fortë i tij. Dhe pikërisht me porosi të Suel Celës, dyshohet të jetë organizuar atentati me snajaper, më 8 qershor 2020 në Elbasan, vrasje që mbeti në tentativë, ndërsa pas këmbëzës dyshohet se ka qenë Prekë Kodra.
Tjetër akuzë e ngritur ndaj grupit të të shumërkuarit Suel Cela është sigurimi i kushteve dhe mjeteve për vrasjen e Elvis Koçit, në vitin 2020 në Elbasan, atentat që dështoi.
Vëllai i kreu të organizatë, Mario Çela sipas SPAK është ndër anëtarët kryesor të grupit bashkë me Xhino Rokën, biznesmeni Bujar Shega, truri financiar i grupit (i arrestuar në Milano) i cili pastronte paratë dhe Klaus Matishi, që siç thotë Prokuroria e Posaçme, angazhoheshin në planifikimin dhe ekzekutimin e veprave të rënda, përfshirë vrasjes dhe trafikun e kokainës.
TRAFIKU I KOKAINËS
Në trafikun e kokainës, SPAK thotë se organizata e Suel Çelës, porosiste për kokainë grupe të tjera kriminale shqiptare me lidhje të forta me bandat vendase krimit në Amerikën Latine.
“I gjithë aktivitetit financohej nga paratë që përfitoheshin nga aktiviteti kriminal i trafikimit të lëndëve narkotike nga Amerika Latine drejt vendeve si; Gjermania, Mbretëria e Bashkuar, Italia, Belgjika dhe Holanda”, thotë SPAK.
Nga Amerika Latine kokaina trafikohej e fshehur në kontejnerë në mesin e produkteve të ligjshme, tranzit në disa porte europiane si Antverp e Roterdam. Por ka pasur edhe tentativa për të kryer transport të kokainës përmes aeroporteve të Belgjikës dhe Holandës.
Një pjesë e të ardhurave nga ky aktivitet kriminal investohej në blerjen e lëndës narkotike. Në gjendje cash-i në Shqipëri, në biznese në dukje të rregullt por edhe për të mbështetur infrastrukturën operative të organizatës dhe blerje influence në segmente të veçanta të sistemit të drejtësisë, policisë, medias dhe biznesit
SPAK thotë se ka dokumentuar gjithashtu edhe dy tentativë për të trafikuar 930 kg kokainë nga Ekuadori në Europë në dhjetor 2020 dhe 466 kg lokainë nga Ekuadori në Holandë në janar 2021.
Grupi akuzohen për vrasje të mbetur në tentativë ndaj Ardian Copjes, sigurimin e kushteve për të vrarë Elvis Kocin dhe Bledar Mucën, armë pa leje, organizatë kriminale, trafikim të drogës, grupit kriminal, korrupsion aktiv të funksionarëve të drejtësisë, shpërdorim detyre, pastrim parash, dhe korrupsion aktiv në sektorin privat, vepër që lidhet me gazetarin Elton Qyno.
Marjus Lulaj (alias Suel Çela), – 36 vjeç, banues në Elbasan Arrest me burg
Mario Çela – 35 vjeç, banues në Elbasan Arrest me burg
Xhino Roka – 33 vjeç, banues në Tiranë Arrest me burg
Klaus Matishi (alias Klaus Çopja alias Kledjan Çopja), – 37, banues në Elbasan Arrest me burg
Sergej Hasanpapaj – 30 vjeç, banues në Elbasan Arrest me burg
Bruno Hazizolli – 34 vjeç, banues në Elbasan Arrest me burg
Ledio Zabeli – 33 vjeç, banues në Elbasan Arrest me burg
Marsel Roka – 37 vjeç, banues në Tiranë Arrest me burg
Ado Xhika (alias Elkier Cerriku alias Ado Cerriku), – 39 vjeç, banues në Tiranë Arrest me burg
Preke Kodra – 48 vjeç, banues në Malësinë e Madhe Arrest me burg
Fuad Verzivolli – 48 vjeç, banues në Elbasan Arrest me burg
Metin Mehja – 27 vjeç, banues në Elbasan Arrest me burg
Renato Hasani – 35 vjeç, banues në Elbasan Arrest me burg
Skender Sufaj – 34 vjeç, banues në Tiranë Arrest me burg
Artan Hoxha – 50 vjeç, banues në Tiranë – Detyrim paraqitje
Elton Qyno – 39 vjeç, banues në Tiranë – Detyrim paraqitje
Pajtime Fetah – 65 vjeç, banues në Elbasan Arrest me burg
Dedan Gjoni – 48 vjeç, banues në Tiranë Arrest me burg
Marsel Shega (alias Bujar Shega), – 51 vjeç, banues në Tiranë Arrest me burg
Hajdar Lala (alias Hajdar Xaka alias Hajdar Sefa) – 40 vjeç, banues në Tiranë Arrest me burg
Blerina Beqiri – 39 vjeç, banues në Elbasan – Arrest Shtëpie
Prokuroria e Posaçme Kundër Korrupsionit dhe Krimit të Organizuar (SPAK), në bashkëpunim me Eurojust, Europol, autoritetet e drejtësisë së Francës, Belgjikës, Holandës dhe Ekuadorit ka dokumentuar dhe ndjekur penalisht një organizatë të mirëstrukturuar kriminale në trafikun ndërkombëtar të kokainës, me bazë në qytetin e Elbasanit dhe me shtrirje në vendet e Bashkimit Europian dhe Amerikës Latine. Ky hetim i bazuar në komunikimet e koduara SKY/ECC dhe në veprimet të tjera hetimore vijon edhe për dokumentimin e veprimtarisë kriminale për persona të tjerë.
Me kërkesë të Prokurorisë së Posaçme, Gjykata e Posaçme e Shkalles së Parë për Korrupsionin dhe Krimin e Organizuar ka caktuar masat e sigurisë për 21 persona:
- Arrest me burg për 18 individë, duke përfshirë drejtuesit e grupit, një ish-zyrtar i lartë policie dhe një ish-gjyqtar.
- Arrest në shtëpi për 1 avokat.
- Detyrim paraqitjeje për 2 gazetarë.
Struktura e Organizatës
Kjo organizatë kriminale, në fokusin e saj kishte kontrollin e territorit, kryesisht në Shqipërinë e Mesme, duke përdorur mekanizma të ndryshëm si dhe dhunë të vazhdueshme ndaj grupeve rivale kriminale.
Organizata kriminale që drejtohej nga Suel Çela me qëllim kontrollin e territorit kishte si synim kryesor eleminimin fizik të anëtarëve të një grupi tjetër të strukturuar kriminal i cili vepronte po në qytetin e Elbasanit dhe që konsiderohej si kundërshtar i organizatës kriminale që drejtohej nga Suel Çela.
I gjithë aktivitetit financohej nga paratë që përfitoheshin nga aktiviteti kriminal i trafikimit të lëndëve narkotike nga Amerika Latine drejt vendeve si; Gjermania, Mbretëria e Bashkuar, Italia, Belgjika dhe Holanda.
Gjatë hetimit të këtij procedimi penal nr.193/2023 janë dokumentuar faktet penale si më poshtë:
- Vrasje e mbetur në tentativë me snajper në dëm të shtetasit, Ardian Çopja, në datën 08.06.2020 në qytetin e Elbasanit
- Sigurimi i kushteve dhe mjeteve materiale për kryerjen e vrasjes në dëm të shtetasit B.M, mars 2020;
- Sigurimi i kushteve dhe mjeteve materiale për kryerjen e vrasjes në dëm të shtetasit E.K, në vitin 2020.
- Tentativa për trafikimin e afërsisht 930 kg të lëndës narkotike, lloji kokainë nga Ekuadori në Europë, në dhjetor 2020.
- Tentativa për trafikimin e 466 kg të lëndës narkotike, lloji kokainë nga Ekuadori në Holandë, në janar 2021.
- Ushtrimi i ndikimit përmes akteve korruptive në segmente të caktuara të sistemit të drejtësisë, policisë së shtetit dhe medias.
Shtetasi Marjus Lulaj alias Suel Çela është identifikuar si drejtuesi i organizatës, përgjegjës për menaxhimin dhe koordinimin e aktiviteteve kriminale, përfshirë vrasjet, trafikimin ndërkombëtar të drogës, kryerjen e veprimeve korruptive dhe organizimin e skemave të pastrimit të parave. Ndërkohë disa nga anëtarët me role kyçe si; M.Ç., A.V., B.SH, K.M., Xh.R.etj ishin pjesë operative e organizatës, të angazhuar në planifikimin dhe ekzekutimin e veprave të rënda penale, përfshirë vrasje me paramendim dhe trafikun e narkotikëve.
Roli i personave të tjerë
Organizata kishte arritur të korruptonte funksionarë të policisë së shtetit (D.GJ.) dhe të sistemit gjyqësor (P.F.) të cilët duke shfrytëzuar pozicionin e tyre zyrtar e ndihmonin organizatën me informacione, duke ofruar gjithashtu lehtësira dhe ndikime në sistemin gjyqësor në këmbim të favoreve dhe përfitimeve materiale. Organizata kriminale kishte aftësi që të ndikonte dhe të korruptonte përfaqësues të sistemit të drejtësisë me qëllim që këta të fundit të lehtësonin pozitën e drejtuesit S.Ç. dhe anëtarëve të tjerë të organizatës në proceset penale në ngarkim të tyre. Për t’u theksuar është aftësia e organizatës që të ndikojë tek trupa gjyqësore me qëllim që të rëndohej pozita apo masa e dënimit që do te jepej në ngarkim të anëtarëve të grupit kriminal që konsideroheshin si kundërshtarë të tyre.
Marjus Lulaj ka synuar të manipulojë perceptimin publik, duke i paraqitur rivalët e tij si të paprekshëm për shkak të lidhjeve të dyshuara që ata mund të kenë me politikën. Trysnia për hetime pasurore në kuadër të OFL-së dhe nxitja e mediave për të marrë dëshmi nga individë që mund të inkriminojnë rivalët e tij do të krijonin, sipas tij, në opinionin publik perceptimin se këta rivalë, për shkak të lidhjeve të dyshuara politike, janë bërë “të paprekshëm”. Kjo strategji, e cila përfshin manipulimin e informacionit dhe ndikimin në opinionin publik, jo vetëm që do të rriste pozitat e tij, dhe në të njëjten kohë do të dëmtonte interesat e rivalëve.
Dyshohet se këto synime i ka realizuar përmes bashkëpunimit me gazetarët Artan Hoxha dhe Elton Qyno, të cilët kundrejt përfitimeve monetare të paligjshme kanë mbajtur qëndrime në media, si dhe kanë publikuar artikuj dhe video që keqinformonin dhe manipulonin opinionin publik.
Rrjeti i trafikut ndërkombëtar të kokainës
Organizata ka zbatuar një skemë komplekse të mbyllur të trafikut të kokainës nga Amerika Latine drejt vendeve të Europës duke bashkuar me grupe të ndryshme kriminale me lidhje të forta në Amerikën Latine. Organizata e porosiste lëndën narkotike nga grupe të strukturuara kriminale shqiptare të lidhur me grupe kriminale vendase në Amerikën Latinen.
Më pas, sasia e lëndës narkotike transportohej e fshehur në produkte të ligjshme dhe tranzitohej në disa porte europiane me destinacion shtetet si; Gjermania, Mbretëria e Bashkuar, Italia, Belgjika dhe Holanda, nga ku nxirrej, trafikohej dhe shitej me shumicë nga anëtarët e organizatës drejt tregun europian i narkotikëve. Pjesa më e madhe e ngarkesave lëvizte me kontejnerë në porte të mëdha si Antverp, Roterdam etj., të cilët shpesh shërbenin si pika kyçe për trafikun e saj në tregun evropian. Gjithashtu ka pasur tentativa për të kryer transport të lëndëve narkotike përmes aeroporteve të Belgjikës dhe Holandës.
Një pjesë e të ardhurave nga ky aktivitet kriminal investohej:
a. Në blerjen e lëndës narkotike
b. Në gjendje cash-i në Shqipëri
c. Në biznese në dukje të rregullt
d. Për të mbështetur infrastrukturën operative të organizatës dhe blerje influence në segmente të veçanta të sistemit të drejtësisë, policisë, medias dhe biznesit
Për këtë operacion falenderojmë Europol, Eurojust, autoritetet e drejtësisë dhe ato ligjzbatuese të; Francës, Holandës, Belgjikës dhe autoritetet italiane (Ufficio del’ Esperto per la Sicurezza a Tirana, Squadra Mobile di Milano).
EUROPOL
EUROPOL ka reaguar lidhur me goditjen e SPAK ndaj grupit kriminal të Suel Celës, një organizatë me bazë në Elbasan për trafikun ndërkombëtar të kokainës nga Amerika Latine dhe shpërndarjen e saj në vende të Bashkimit Evropian
Reagimi i EUROPOL:
Më 25 nëntor, autoritetet shqiptare, me mbështetjen e Europol-it, ndërmorën veprime kundër 21 individëve, përfshirë një ish-gjyqtare, një avokat, një oficer policie dhe dy gazetarë investigativë, si pjesë e një hetimi për korrupsion të lidhur me një organizatë kriminale me rrezik të lartë.
Gjatë hetimit, një arrestim u krye në Milano, Itali, falë koordinimit të shpejtë operacional midis vendeve të përfshira. Operacioni, i mbështetur nga Europol, u nis pas analizës së komunikimeve të koduara nga platforma SKY ECC, e cila zbuloi prova të gjera për praktika korruptive, përfshirë krime të organizuara dhe të rënda.
Të dyshuarit akuzohen se kanë luajtur role kyçe në mundësimin dhe mbrojtjen e aktiviteteve të një grupi të dhunshëm kriminal shqiptar që importonte kokainë nga Amerika e Jugut në Evropë. Të ardhurat nga këto aktivitete kriminale pastroheshin në Shqipëri, ku u identifikuan dhe sekuestruan prona dhe pasuri të shumta të lidhura me rrjetin kriminal.
Ish-gjyqtari dhe avokati akuzohen për manipulimin e proceseve gjyqësore në favor të organizatës kriminale, ndërsa oficeri i policisë dyshohet se ka nxjerrë informacione sensitive operacionale. Dy gazetarët mendohet të kenë shfrytëzuar pozicionin e tyre për të përhapur dezinformata, duke ndikuar në opinionin publik dhe duke minuar hetimet mbi rrjetin kriminal.
Organizata kriminale, e përqendruar rreth një klani familjar, ka origjinën nga qyteti i Elbasanit në Shqipëri. Anëtarët e saj janë të njohur për përdorimin e dhunës ekstreme kundër rivalëve, përfshirë organizimin e sulmeve me snajper dhe vrasjeve brenda dhe jashtë Shqipërisë.
Gjatë hetimit, dy sekuestrime të mëdha droge u lidhën me rrjetin: rreth 450 kilogramë kokainë e kapur në Holandë dhe 900 kilogramë të tjera të sekuestruara në Ekuador.
Europol ka luajtur një rol vendimtar në këtë hetim, duke përdorur aftësitë e tij analitike dhe operacionale për të mbështetur autoritetet shqiptare në hetimin e korrupsionit, përtej hetimeve kryesore të krimit të organizuar. Në koordinim me autoritetet belge, holandeze dhe franceze, Europol dorëzoi pako inteligjence nga komunikimet SKY ECC te autoritetet shqiptare dhe kreu analiza të thelluara për të zbuluar lidhje me hetime të tjera në BE.
Në ditën e operacionit, Europol vendosi një specialist në kryeqytetin e Shqipërisë, Tiranë, për të ndihmuar me koordinimin ndërkombëtar, ndërsa analistët në selinë e tij ofruan verifikime të dhënash në kohë reale për të mbështetur operacionet në vijim.
Autoritetet e mëposhtme morën pjesë në hetim:
• Shqipëria: Prokuroria e Posaçme Kundër Korrupsionit dhe Krimit të Organizuar (SPAK), Byroja Kombëtare e Hetimit (BKH), me mbështetjen e Policisë së Shtetit
• Belgjika: Policia Federale Gjyqësore
• Franca: Policia Kombëtare
• Italia: Policia e Shtetit
• Holanda: Policia Kombëtare
Mario Çela, vëllai i Suel Çelës kreu i organizatës kriminale që u godit nga SPAK rezulton të jetë i arrestuar në Belgjikë prej dy muajsh.
Ndërkohë vëllai i tij Suel Çela është në kërkim që prej 2022.
21 urdhër arreste u lëshuan nga SPAK dje (25 nëntor), mes të cilëve gazetarë, drejtues policie dhe ish-gjyqtarë në kuadër të një operacioni ndërkombëtar.
Elvis Koçi (Çaushallari) dhe Migert Qosja
Organizata e drejtuar nga Suel Çela në Elbasan, sipas dosjes hetimore të SPAK, e bazuar në të dhënat e zbërthyera nga përgjimet e platformës SKY ECC, dyshohet se ka krijuar kushtet edhe për atentatin e dështuar të 25 Nëntorit 2020 në këtë qytet, ndaj një personazhi të njohur.
Objektiv ishte Elvis Koçi, që mbante edhe mbiemrin Çaushllari dhe njihej me nofkën “Vis Korçari”. Për ngjarjen u arrestua dy vitë më pas (2022) si i dyshuar Migert Qosja, kurse të dhënat e hetuara aktualisht nga dosja, zbulojnë se pas ngjarjes qëndron pikërisht organizata e Çelës.
Fillimisht u raportua për një sherr mes palëve dhe më tej denigroi në një “Far West” në rrugët e qytetit, me ndjekje me makina dhe shkëmbim zjarri mes tyre.
Migert Qosja u kap më 10 Mars 2022, teksa akuzohet si autori kryesor që qëlloi ndaj “Vis Korçarit”. Ndaj Qosjes ka pasur masë sigurie 'arrest me burg' që Gjykata e kishte dhënë prej 29 nNëntorit 2020.
Në pamjet filmike të publikuara edhe në Report Tv, u panë skena si në filma aksion, ku dy automjete të pozicionuara njëra pas tjetrës, e para “Ford”, ku ndodheshin Migert Qosja, Feliks Filaj dhe Eris Çekani, ndërsa tek e dyta mjeti tip “Mazda”, ku ndodhej Elvis Çaushllari (Koçi), që i shpëtoi atentatit.
Bledar Muça, me armë në dorë dhe Florenc Çapja
Organizata e drejtuar nga Suel Çela dyshohet se qëndron edhe pas atentatit vdekjeprurës ndaj krahut të djathtë të grupit “Çapja” në Elbasan, i cilësuar edhe si killeri i tyre, Bledar Muça.
SPAK akuzon organizatën kriminale të Suel Çelës se fshihet pas vrasjes së Bledar Muçës ndodhur në janar të 2022 në Belgjikë. Në njoftimin e SPAK thuhet se ky grup "Siguroi kushtet dhe mjetet materiale për të kryer vrasje në dëm të E. K. dhe Bledar Muça.
Vrasja e tij u bë në Belgjikë më 22 Janar të vitit 2022, teksa edhe më parë i kishte shpëtuar dy atentateve të tjera, njëri prej të cilëve në Elbasan. Muça cilësohej si njeriu më i afërt i numrit dy të organizatës, Florenc Çapja, që fshihet në Dubai. Për këtë vrasje SPAKa ka lëshuar urdhërarrest 'arrest me burg' edhe për Sergei Hasanpapaj, i arrestuar në Belgjikë. Po për të njëjtë ngjarje, në tetor të këtij viti u arrestua Marsel D. 43-vjeçari u arrestua në aeroportin e Valencias. Mediat belge ishin ato që zbuluan se bëhet fjalë për shqiptarin Marsel D., i kërkuar për vrasje në Belgjikë, më 22 janar 2022 në Aartselaar. Ai ndihmoi ekzekutorët duke u treguar lëvizjet e Muçës.
Kush ishte Bledar Muça
Bledar Muça me origjinë nga Peshkopia, ishte lindur dhe i rritur në Elbasan. Emri i tij është i përfshirë në vrasjen e Ilir Rexhepit në Elbasan, por asnjëherë nuk u arrestua apo vuajti ndonjë dënim, pasi u arratis në Greqi dhe më pas në Belgjikë.
Më 2016 Muça u dënua me 2 vite burgim nga Gjykata e Elbasanit për goditjen me armë të dy efektivëve të Grupit të Operacioneve Speciale në Policisë e Shtetit, goditje kjo që është kryer gjatë detyrës së tyre, teksa po mbanin në vëzhgim situatën në lagjen e Çapjave në Elbasan. Muça u filmua nga kamerat e sigurisë ehde me armë në dorë.
Në shkurt 2016, Bledar Muça e Florenc Çapja i shpëtuan një atentati në Elbasan, ku mbetën të vrarë Agron Çapja, Eno Bedalli dhe Ardit Sinakolli, si dhe u plagosën 6 të tjerë, teksa po qëndronin në lokalin e tyre “Universe”. Edhe në muajin Qershor 2016, Bledar Muça dhe Florenc Çapja u bënë shënjestër e një atentati që i mbijetuan. Makina antiplumb i shpëtoi nga plumbat.
Në muajin Maj 2020, Bledar Muça aksidentoi gardianin Hekuran Pisha. Pisha po udhëtonte me motorin e tij, kur është përplasur nga makina e Bledar Muçës. 24 orë nga arrestimi, Muça është lënë sërish i lirë.
Derisa më 22 Janar 2022, u ekzekutua me breshëri automatiku brenda makinës së tij në Anverp të Belgjikës, ku dhe fshihej prej kohësh.
Ardian Çapja, vila ku ndodhi sulmi dhe snajperi i djegur pas atentatit
SPAK e akuzon organizatën e Suel Çelës edhe për atentatin e dështuar me snajper ndaj Ardian Çapjas.
Ky i fundit cilësohet edhe si kreu i organizatës kriminale “Çapja” në Elbasan, teksa i ka shpëtuar disa atentateve, mes tyre edhe me antitank.
Një prej sulmeve ishte plagosja me një armë snajper nga distanca, në oborrin e vilës së tij, në periferi të qytetit.
Krimi ndodhi më 8 ershor të vitit 2020 dhe ky ishte atentati i tretë që i mbijetonte. 55-vjeçari u qëllua me armë zjarri, snajper ushtarak në një atentat të mirë organizuar, pranë shtëpisë, ngjitur me hotel 'Univers'-in në pronësi të tij, në hyrje të qytetit të Elbasanit, zona e Krastës. Për këtë ngjarje SPAK akuzon kreun e grupit rival, Suel Çela, që gjithashtu bashkëpunonte me grupin tjetër Çopja. Si qitës akuzohet Preke Kodra.
Pavarësisht se zona kontrollohet nga familja Çapja ku të gjitha lëvizjet monitorohen me kamera sigurie, autorët arritën që të depërtojnë për herë të tretë, por nuk ia arritën qëllimit. Çapja u përpoq ta mohonte, por Policia gjeti më tej prova, teksa zbuloi edhe një makinë që po digjej pak minuta ps krimit.
Nga fishekët që shpërthyen në mjet u lëndua edhe një efektiv policie. Në makinë u gjet edhe një armë e djegur, që u tha se ishte snajperi i përdorur për qitje.
Komente
Lajme të tjera
-
Trafikuan 1 ton marijuanë me vlerë 3.37 mln euro, SPAK dërgon për gjykim 4 trafikantët që u zbuluan nga përgjimet e Sky Ecc (EMRAT)
27 Dhjetor, 10:24 -
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27 -
Dosja 'Metamorfoza'/ Kërkesa e biznesmenit Pëllumb Gjoka për pavlefshmëri të përgjimeve nga Sky ECC, Kushtetuesja tërhiqet për vendim
19 Dhjetor, 15:05 -
Dështon seanca e pajtimit mes Gazment Bardhit dhe ish-kryepolicit të Shkodrës
19 Dhjetor, 13:03
-
Studio Live/ Dosja 'Toyota Yaris', Petraj: Hetimet u mbyllën por nuk dihet origjina e parave! Softa: Ka mangësi, por besoj do kemi prova të reja
18 Dhjetor, 19:48 -
Në burg prej 2021 për trafik droge, rëndohen akuzat për kapon e ultrasve të Milanit! Sky ECC nxjerr bashkëpunëtorin e tij të ngushtë shqiptar (EMRI)
17 Dhjetor, 16:47 -
Francë/ Dënohet grupi i drogës, u zbuluan nga ‘Sky ECC’, lidhje me Shqipërinë dhe roli i ‘Eduardit’
14 Dhjetor, 16:58 -
‘Plumbi i Artë’/ GJKKO rrëzon kërkesën e Suel Çelës për heqjen e ‘arrestit në burg’
13 Dhjetor, 10:37 -
Përballja Gazment Bardhi-Edmond Sula në gjyq, dështon seanca e parë në GJKKO! Ish-drejtori i policisë Shkodër paditi deputetin për akuzat lidhur me Sky Ecc
11 Dhjetor, 13:00
-
Policia greke thellon hetimet për rrjetet shqiptare të drogës! Numrat e telefonave të bosëve të drogës, përgjimet në SKY ECC dhe lidhja me MATRIX
9 Dhjetor, 21:19 -
Dosja SKY ECC/ E-maili që zbuloi oficerin grek të Antidrogës dhe lidhjet me bosin shqiptar të narkotrafikut! Europoli dërgoi mbi 3 mijë dosje, si funksiononte rrjeti
9 Dhjetor, 17:25
Keta me mbiemer Roka jane vellezrit e Adelajda Roka,drejtoresha e agjnsise se zhvillimit te teritorit,agjensia qe jep lejet per kulla ne tirane dhe lejet per fshat turistik ne jug.Bravo Adelajda prandaj paska ecur kaq shume.Adelajda Mish e thua me Artan Lamen e kadastres
PërgjigjuOre ceshtja esht te arrestohen e te denohen e te bejn ja 25-30 vite burg se ne kerkim po prap jetojn si bosa se suelin keni ja 2 vjet qe r kerkoni por e lini te qarkulloj na per elbasan si zotni pa u rujt fare e duke ber dolce vita e jo vetem ne elbasan por esht par ne shkoder e ne vlor kushedi sa her tu hang dreka darka me ekponent te tjer te krimit
Përgjigju