Nëse jeni funksionar publik, tashmë mund të merrni armë. Drafti i ri i qeverisë, i cili është propozuar të pësojë ndryshime u jep të drejtë funksionarëve publikë, kryebashkiakë, gjyqtarë, prokurorë e më gjerë, të marrin armë. E gjitha çfarë u duhet për të marrë armë është të vërtetojnë që rrezikohen për shkak të aktivitetit shtetëror që ata kryejnë. Pjesë e kategorisë janë edhe personat që rrezikohen nga rrethana personale të veçanta.
Ndryshe nga më parë, ku aplikimi është bërë nëpër komisariate, tashmë aplikimi do të mund të bëhet online përmes portalit “e-Albania”. Ndryshimet e projektvendimit janë në fazën e konsultimit publik dhe është propozuar që ndërhyrja të bëhet në vendimin e Këshillit të Ministrave që daton në 4 shkurt të vitit 2015.
Qëllimi i këtij projektvendimi është të lehtësojë procesin e vlerësimit të kërcënimit të rrezikut për jetën dhe pajisjen me autorizim të posaçëm për mbajtje arme për funksionarët publik për shkak të funksionit shtetëror. Aplikimi redukton kohën e marrjes së shërbimit, radhët dhe eviton burokracitë që kanë qenë deri tani.
Përmes këtij propozimi, në projektvendim thuhet se brenda tre ditëve nga paraqitja e kërkesës, strukturat e komisariatit të policisë ku ka vendbanimin personi i kërcënuar duhet të administrojnë dokumentacionet e nevojshëm, si relacionin, nëse kërcënimi për jetë është real, ekstrakte dhe materiale të tjera të dala nga hetimi për këtë kërcënim dhe vërtetim të besueshmërisë së personit të kërcënuar. Më pas, brenda tri ditëve të tjera pune, dosja dërgohet në Drejtorinë Vendore të Policisë, e cila pasi bën vlerësimin dhe shpreh mendimin mbi bazën e dokumentacionit të marrë e përcjell atë në Komisionin Qendror për vlerësimin e rrezikut të personave në Policinë e Shtetit.
Gjithashtu, propozohet që afati i vlefshmërisë së autorizimit të posaçëm për mbajtje arme varion bazuar në vlerësimin e ekzistencës së kërcënimit dhe rrezikut për jetën. Ky vlerësim kryhet me një periodicitet jo më pak se çdo 3 muaj, detaj ky që ndryshon nga vendimi i marrë në 2015-ën, i cili e ka afatin e vlefshmërisë sipas ekzistencës së kërcënimit dhe rrezikut për jetën.
Shërbimi i aplikimit online me arsyetimin e shmangies së radhëve, burokracive dhe duke ofruar lehtësi personave të interesuar, propozohet që të ofrohet edhe për koleksionistët e armëve.
Lajme të tjera
-
‘Bie’ kufiri me Kosovën, leja e kalimit vetëm online tek e-Albania
13 Qershor, 12:23 -
Kartelat dhe rezervimi për kryerjen e vaksinave për fëmijët 0-7 vjeç do bëhen online në e-Albania
11 Qershor, 16:41 -
e-Albania: Ja çfarë ka ndryshuar në identifikimin dhe hyrjen në llogarinë tuaj në portal
8 Shkurt, 14:22 -
'E-Albania' jashtë funksionit për 2 ditët e ardhshme, AKSHI: Do të ketë ndërprerje të shkurtër të shërbimeve online, në kuadër të proceseve për përmirësimin e tyre
1 Shkurt, 16:22 -
'Koha të merremi vesh qartë!' Rama kritik ndaj bankave: Ulni transaksionet në cash! Digitalizoni sa më të shpejt sistemin
1 Shkurt, 11:26 -
Kumbaro: Aplikimet për menaxhimin e stacioneve të plazhit të hapura në e-Albania deri në 6 dhjetor
3 Dhjetor 2023, 13:48 -
Ministria e Brendshme njoftim për shtetasit e huaj: Pajisja dhe rinovimi i lejeve të qëndrimit do të bëhet përkohësisht nga e-Albania
17 Tetor 2023, 16:42 -
Samiti i Ballkanit Perëndimor, vlerëson e- Albania, si rast suksesi në rajon
5 Tetor 2023, 16:47 -
Shërbimet e Kadastrës në e-Albania, Rama: Noterët e ‘hienat’ janë bërë nervozë, s’ka më korrupsion
23 Gusht 2023, 13:24 -
Hapen regjistrimet online për klasën e dhjetë. Risia për arsimin parauniversitar: dëftesa me vulë elektronike
7 Korrik 2023, 18:45 -
Nga sot, asnjë sportel fizik i Kadastrës, shërbimet kalojnë të gjitha në e-albania
3 Korrik 2023, 08:56 -
Mori 9.93 në Fizikë, maturanti kërkon të shohë tezën: Dua të shikoj ku gabova, ndoshta kërkoj rivlerësim
29 Qershor 2023, 19:07
