POP 5

Lajmet më të lexuara të 5 minutave të fundit

Sport

VIDEO/ Dramë me gjashtë gola, Rangers dhe Celtic barazojnë 3-3 në derbin e Skocisë

Është mbase një nga ndeshjet më të zjarrta në futbollin botëror dhe Rangers - Celtic e dëshmuan një gjë të tillë edhe të dielën e 7 prillit 2024.

GLASGOW - Është mbase një nga ndeshjet më të zjarrta në futbollin botëror dhe Rangers - Celtic e dëshmuan një gjë të tillë edhe të dielën e 7 prillit 2024. Në "Ibrox Stadium" pati festë dhe gjashtë gola, me skuadrat që ndanë pikët në një duel dramatik që përfundoi 3-3.

Raundi i 32-të i elitës së futbollit skocez rezervoi derbin që u zhbllokua nga Celtics pas vetëm 26 sekondave lojë. Një gabim në prapavijën e vendasve bëri që Maeda t'i jepte epërsinë Celtic, që gjeti edhe golin e dytë me O'Riley në minutën e 34 për ta mbyllur 0-2 pjesën e parë.

Në fraksionin e dytë, një penallti e akorduar me ndihmën e VAR u kthye në gol nga Tavernier për të rihapur sfidën. Festa në "Ibrox" do shpërthente pas golit të barazimit nga Sima në të 86 minutë për 2-2.

Vetëm pak sekonda zgjati barazimi, me Idah që shënoi sërish për miqtë. Tetë minutat e shtesës ishin shpresë për Rangers, që barazuan me Matondo në 90+3'. Me 75 pikë, Celtic qëndron në krye të renditjes, një pikë më shumë se Rangers që ndjek dhe mban gjithçka hapur për titullin kampion.

 

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

​Rusia i pezullon gazin, reagon Moldavia: Putin po e përdor energjinë si armë

​Rusia i pezullon gazin, reagon Moldavia: Putin po e përdor energjinë si armë

28 Dhjetor, 22:55