Teuta ka fituar ndaj Kukësit mbrëmjen e sotme duke fituar me shifrat 2-1. Ndeshja filloi mirë për verilindorët të cilët gjetën golin me anë të bomberit të tyre, Reginaldos. Me këtë rezultat do të mbyllej pjesa e parë ndërkohë pjesën e dytë do të vinte dhe përmbysja e madhe e Durrsakëve. Do të ishin Gerhard Progni dhe Renato Arapi të cilët brenda 8 minutash, saktësisht në minutat 64' dhe 71' do të arrinin fitoren për 'Djemtë e detit'. Gjithsesi 3 pikët do të vinin me zemër në dorë për Teutën, e cila në minutat shtesë mbeti me 10 lojtarë për shkak të dëmtimit të Hakajt, në një kohë kur ishin kryer të tria zëvendësimet. Si të mos mjaftonte kjo, në minutën e 93, Kukësi fiton një penallti pasi Osmani prek topin me dorë, me këtë të fundit që merr të dytin e verdhë e largohet duke lënë ekipin me 9 lojtarë në fushë.
Fatmirësisht për Teutën portieri Hidi bën mrekullinë duke pritur penalltinë e goditur nga braziliani William. Me këtë fitore Teuta ngjitet në vendin e dytë duke parakaluar pikërisht Kukësin. Pas 22 javësh kampionat "Djemtë e detit" kanë 39 pikë, 1 më shumë se verilindorët e drejtuar nga Cungu.
Durrsakët mund të ëndërrijnë tashmë pasi parakalojnë Kukësin dhe hyjnë në garë direkt me Partizanin të cilin i shohin vetëm 7 pikë larg 'Të kuqtë' e Skënder Gegës.Teuta me këtë rezultat mund të thuhet se ka dalë nga minikriza e javëve të kaluara ku numëroi 4 barazime rradhazi në kampionat, por ekipi bregdetar nuk humb që nga 3 tetori i vitit të kaluar. Humbja me Partizanin ishte e fundit për Teutën ndërsa në kampin verilindor pas humbjes tronditëse përballë Tiranës tani vjen dhe tjetra në Durrës.
Lajme të tjera
-
Kampione e dimrit, kapiteni Dita rrëfen Dinamon për Report TV: S’fshihemi për titullin, ‘Final-4’ i çuditshëm
25 Dhjetor, 13:41
-
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Tirana rrezikon mbijetesën, pesë titullarë me 'valixhe në duar'
23 Dhjetor, 09:29 -
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Superliga/ Dinamo me hap kampioni, fiton 2-1 kundër Egnatias dhe mbyll 2024 në krye! Tirana 'buzë greminës', Laçi e përmbys 3-1
21 Dhjetor, 18:29 -
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Prag Partizani-Vllaznia, trajneri i shkodranëve: Ndeshja më e madhe deri më tani! Gjoka: Është momenti i Skënderbeut
19 Dhjetor, 15:51 -
Iliri, 'Daja' i Superligës! Dinamo në krye pas 15 vitesh
16 Dhjetor, 19:05 -
Mbyllet gjysma e sezonit/ Skënderbeu lë 2 pikë me Bylisin, Gjoka: Keqardhje e madhe! Pas 175 javësh çdo ndeshje me 3 gola
16 Dhjetor, 12:26
-
Superliga/ Teuta 'i fik dritat' Egnatias, i mposht 2-1 dhe i heq mundësinë e kreut! Skënderbeut 2-2 ndaj Bylis, Dinamo kryeson pas gjysmës së sezonit
15 Dhjetor, 18:48 -
Ikin dritat në stadiumin e Durrësit, Teuta - Egnatia ndërpritet për pesë minuta
15 Dhjetor, 17:20
