ITALI - Serie A e futbollit në Itali vijon këtë të dielë me sfidat e raundit të 35-të. Tre javë nga fundi i kampionatit, Sassuolo dhuroi befasinë duke mposhtur në shtëpi 2-0 Milanin. Kuqezinjtë për 65 minuta luajtën me një lojtar më pak pas daljes me dy kartona të verdhë të Fikayo Tomorit. Interit që pret Parmën sot në mbrëmje në 'San Siro' i nevojitet vetëm një pikë për të zyrtarizuar titullin e 21-të kampion në Itali.

NDESHJA - Sfida në Reggio Emilia nisi më mirë për Sassuolon që gjeti golin e avantazhit pas vetëm pesë minutave lojë me Berardin. Veterani mori një pasim nga Lauriente dhe me të majtën nga brenda zone ia ndali sferën në rrjetë portierit Maignan.

Në minutën e 9-të dhe 24-t Tomori u ndëshkua me dy kartona të verdhë duke lënë Milanin me dhjetë vetë në fushë për më shumë se 65 minuta. Nisja e fraksionit të dytë 'vulosi' tri pikët për Sassuolon, pasi këtë herë Armand Lauriente shënoi vetë golin e dytë.

Me 67 pikë Milani mbetet për momentin në vendin e tretë, ndërsa Juventusi kërcënon nga pas. Sassuolo me 49 pikë ngjitet në vendin e nëntë, me pikë të barabarta me Bolognan.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Maj, 08:14

    1 Maji, sa respektohen të drejtat e punëtorëve në Shqipëri?

Lajme të tjera