Tetë gjyqtarë dhe prokurorë janë marrë nën hetim gjatë vitit 2020 nga Zyra e Inspektorit të Lartë të Drejtësisë, për shkelje të rënda gjatë detyrës, ndërsa ka nisur verifikimi i 2780 praktikave të dyshimta në drejtësi, të denoncuar nga qytetarët, institucionet publike dhe organizata të ndryshme. Ky është bilanci i veprimtarisë së organit që kontrollon punën e gjyqtarëve dhe prokurorëve, për periudhën shkurt-dhjetor 2020. Që nga konstituimi, pranë Inspektoriatit të Lartë të Drejtësi janë referuar 3054 denoncime për abuzime të pretenduara të gjyqtarëve dhe prokurorëve gjatë detyrës.
Në ankesa denoncohen vendimet e padrejta të gjyqtarëve, zvarritja e gjykimit si dhe shkelje të etikës. Nga 3054 ankesa, ILD-së i kanë mbetur për të shqyrtuar edhe 2780 raste, për të parë nëse ekzistojnë shkeljet e pretenduara, për të nisur më pas hetimin disiplinor. Nga 8 vendime për të nisur procedimin disiplinor, ILD-ja ka kërkuar ndëshkimin e katër magjistratëve, ndërsa vijon hetimet për katër të tjerë. Konkretisht, ILD-ja ka kërkuar shkarkimin e gjyqtares së Krujës Enkelejda Hoxha, e cila u arrestua disa ditë më parë nga SPAK, si dhe të prokurorit Bujar Memia, i cili ka heshtur për veprimtarinë e gjyqtares, e cila lironte të dënuarit për vrasje nga burgu. Ende nuk ka një vendimmarrje nga KLGJ dhe KLP për dy magjistratët në fjalë.
ILD-ja ka kërkuar shkarkimin e gjyqtarit Markelian Kuqo, pasi liroi nga burgu Gerd Gjeneralin, i dënuar me burgim të përjetshëm. Kërkesa për shkarkim u pranuar nga Këshilli i Lartë Gjyqësor. Ndërkaq, sipas ILD nuk është pranuar nga Këshilli i Lartë i Prokurorisë kërkesa për procedim disiplinor ndaj prokurores Elina Kombi, e cila kërkoi të lihej në burg një 43-vjeçar për vjedhjen e 1 200 lekëve, i cili vari vetën më pas në qeli.
Gjatë vitit 2021, ILD do të fokusohet tek vendimet e lirimit me kusht të të dënuarve. Ndërkaq, Prokuroria e Posaçme Anti Korrupsion (SPAK) po heton 23 ish-gjyqtarë dhe ish-prokurorë të profilit të lartë, për pasuri të paligjshme, fshehje dhe mashtrim me deklaratat e pasurisë. Nga ana tjetër, Kuvendi ka shuar stafin e organeve të Vetingut, për të intensifikuar procesin e verifikimit të mbi 500 gjyqtarëve dhe prokurorëve të mbetur.
Bilanci i punës së Inspektorit të Lartë të Drejtësisë për vitin 2020
Komente
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
Grabitja e 4.6 mln eurove në Rinas, GJKKO dënon me 18 vite burg Talo Çelën
21 Nëntor, 12:42
TE GJITHE JURISTET NGA 1990--2021 DUHET TE SHKARKOHEN,,PROCEDUAR[FUTUR NE BURG]] DHE KONFISKUAR PASURIA...KANE MARRE PARA DHE NUK KANE DHENE DREJTESI...
Përgjigju