Sot në qytetin e Kuçovës u zhvillua aktiviteti për t’i akorduar ish-kryeministrit Bashkim Fino, titullin e lartë “Qytetar Nderi” (pas vdekjes).
Përfaqësuesve nga Bashkia dhe Këshilli Bashkiak i Kuçovës ju bashkuan kolegë të shumtë socialistë si dhe qytetarë të Kuçovës për të nderuar ish-kryeministrin.
Ndër pjesëmarrësit ishin Kryetari i PS i Qarkut të Beratit, Bledi Çuçi, Kryetarët e Bashkive të qarkut të Beratit, Namik Dokle, Musa Ulqini, Arben Malaj, Arta Dade, Spartak Braho, e shumë politikanë të tjerë të majtë.
Të pranishëm ishin dhe familjarë e miq të ish-kryeministrit dhe njeriut që bëri bashkë politikën shqiptare në ditët më të vështira të saj.
Në emër të familjes, vajza e Bashkim Fino, Megi Fino mes falenderimeve dhe mirënjohjes për titullin e akorduar babait të saj theksoi se megjithëse Bashkim Fino ishte rritur në kalldrëmet e Gjirokastrës, Kuçovën e mbante gjithmonë në zemër si shtëpinë e tij të dytë, si vendin ku punoi me pasion dhe përgjegjësi për tre mandate dhe si vendi që i dha mandatin e deputetit për herë të parë për të vazhduar më pas si deputet i Kuvendit të Republikës së Shqipërisë për 6 legjislatura.
Kabineti i drejtuar prej tij gjatë periudhës 9 Mars 1997-29 qershor 1997 mori emrin Qeveria e Pajtimit Kombëtar.
Kjo qeveri u krijua falë vullnetit politik të partive kryesore të vendit dhe ndërhyrjes ndërkombëtare. Në datat 6 dhe 9 Mars 1997, në kulmin e trazirave në vend, forcat politike nënshkruan marrëveshjen për krijimin e qeverisë së re, me pjesëmarrje të gjerë politike. Kryetar i saj u zgjodh socialisti Bashkim Fino.
Ish-kryeministri dhe një nga deputetët më të spikatur në radhët e Partisë Socialiste, ka ndërruar jetë në moshën 58 vjeçare, më 29 Mars 2021. Prej më shumë se 1 muaji, Bashkim Fino ishte infektuar me Covid-19 dhe fatkeqësisht ai nuk e fitoi dot betejën për jetën.
Për kontributin e tij të madh në shërbim të vendit, Bashkia e Kuçovës i ka akorduar titullin e lartë "Qytetar Nderi", pas vdekjes.
Lajme të tjera
-
Festohet ‘Kurban Bajrami’ në Berat, besimtarët falin namazin në pedonalen e qytetit (VIDEO)
16 Qershor, 09:33 -
Veliaj në Kombinat: Mirënjohës për çdo socialist që ka kontribuar! Nga 100 parti, vetëm PS di të bëjë qytet dhe shtet
15 Qershor, 17:42 -
Konflikti brenda PD-së, Veliaj: I kemi mundur, me vulë dhe pa vulë, të bashkuar dhe copë e çikë
14 Qershor, 17:59 -
Berat/ Arrestohet punonjësi i IMT-së, kapet në flagrancë teksa merr ryshfet
13 Qershor, 20:21 -
Dimal/ Organizonte lojëra fati, arrestohet 51-vjeçari me pistoletë stilolaps dhe municion luftarak
13 Qershor, 09:22 -
Veliaj: Sot mund të protestohet lirisht, turp të djegësh goma! Socialistët i çojnë deri në fund punët e nisura
12 Qershor, 21:44 -
Ylli Pata: PS, nga Nano të Rama, si u kthye në 'përbindësh' elektoral
12 Qershor, 19:41
-
‘Rroftë PS’, festë në selinë rozë për 33-vjetorin e themelimit! Klosi: Më të fortë se kurrë! Rama krah figurave të vjetra të partisë (VIDEO)
12 Qershor, 19:06 -
Kuçovë/ Humb kontrollin mbi drejtimin e zetorit dhe del nga rruga, vdes 55-vjeçari
12 Qershor, 18:08 -
Veliaj me socialistët e Njësisë 4: PS forcë fituese në zgjedhjet e 2025, e vetmja parti që i përgjigjet pritshmërive të qytetarëve
12 Qershor, 17:48 -
33-vjetori i themelimit të PS-së, Rama mesazh socialistëve: E bëtë partinë forcën më të madhe! Veliaj: Krenar për të ardhmen që po ndërtojmë së bashku
12 Qershor, 08:19 -
Shkrumbon 300 hektarë shkurre dhe drurë në fshatin Veterik! Dyshohet zjarr i qëllimshëm (VIDEO)
11 Qershor, 17:40
