TIRANË- Drejtoresha e Agjencisë për Bashkëqeverisje, Eridana Cano ka dhënë detaje në Report Tv për nismën e Këshillimit Kombëtar. Ajo shpjegoi se është një sistem i ngritur që menaxhon të gjitha të dhënat e mbërritura nga plotësimi i formularëve, ndërsa thekson se përpilimi i tyre është bërë nga INSTAT. Në ‘Studio Live’ me gazetarët Arbër Hitaj dhe Migena Sotiri, Cano tha se 563.195 qytetarë kanë plotësuar formularin dhe 9.447 pyetësorë kanë rezultuar të pavlefshëm.
“Janë përdorur tre metoda për të mbledhur mendimin, targeti ka qenë qytetarë në moshën 18 vjeç. Metoda ka qenë zarfi që i dërgohej nga posta çdo familje. Mundësi e qytetarëve për ta plotësuar. Kush nuk pati mundësi për ta plotësuar zarfin, të shkonte online, ishin tendat në 61 bashkitë për këtë qëllim.
Ka një sistem që është ngritur për të bërë këshillimin, por është një sistem që do mbartë të gjitha të dhënat, sistemi është i ngritur nga AKSH, menaxhohet dhe koordinohet nga Agjencia për dialog dhe bashkëqeverisje. Pjesa e përpilimit të dhënave është bërë nga INSTAT.
"Janë mbi gjysmë milionë shqiptar që kanë dhënë mendimin. 9447 kanë rezultuar të pavlefshëm, kur ka pasur tre alternativat, ose ka qenë bosh, ose i është vënë kryq”, tha Cano.
Pyetjes nëse ka qytetarë që kanë ‘abuzuar’ me formularin duke e plotësuar atë edhe online edhe në zarf, Cano thotë se është marrë parasysh edhe kjo pjesë, por është një përqindje shumë e vogël që nuk ndikon në rezultat.
“Votimi online ka një sistem që minimizon voton më shumë sesa njëherë, quhet vetëm një votë e dhënë. Mundësisë që një qytetar ka shkuar dhe në tendë, statistikisht këto janë numra shumë të vogël dhe të papërfillshëm, vetë fakti që e lë anonim e lë këtë si mundësi por është një % e vogël dhe e papërfillshme”, u shpreh Cano.
Drejtoresha e Agjencisë për Bashkëqeverisje tha se Këshillimi Kombëtar do të zhvillohet edhe në vitet e ardhshme ku synohet edhe që të mos jetë më anonim, por të shkruhen të dhënat e qytetarëve. Sipas saj, kjo metodë do t’iu japë mundësi që formulari të jetë i targetuar.
“Do të jetë periodik. Të ishte jo anonim por i targetuar për çdo qytetar do na ndihmonte të jepnim pak më shumë informacion statistika për moshën, shtrirjen gjeografike”, u shpreh Cano në Report Tv.
Për Canon, tashmë sfida më e vështirë është implementimi i përgjigjeve të dhëna nga qytetarët, teksa shton që do të jenë një indikativë për qeverisjen. Ajo ritheksoi se rezultatet do të analizohen nesër në Kongresin që do të mabjë Partia Socialiste.
“Tani është periudha më e vështirë, implementimi i këtyre përgjigjeve pro ose kundër në nisma konkrete. Nesër do ketë nejç analizë edhe nga ana e anëtarëve të qeverisë sa i përket nismave që duhet të marrë qeveria shqiptare në replikë të rezultateve. Do të fillojmë të punojmë me secilën minsitri për të identifikuar nevojat dhe ndryshimet në legjislacion. Të gjitha % janë indikativë për qeverinë për mënyrën sesi ajo duhet të formësojë politikën e saj”, vijoi ajo.
Kryeministri Edi Rama prezantoi një ditë më parë rezultatet e Këshillimit Kombëtar, ku nga 12 pyetje të parashtruara nga qeveria qytetarët janë shprehur pro për 11 prej tyre, duke nisur që nga kultivimi i kanabisit, nisma e Ballkanit të Hapur, ndarja e Shqipërisë nga Maqedonia e Veriut në procesin e Integrimit në BE, amnisti e kursimeve të emigrantëve, mbështetjen nga qeveria të punonjësve që denoncojnë pagat fiktive, për dënimin e gjyqtarëve të korruptuar edhe pse nuk kanë kaluar vettingun si dhe ashpërsimin e dënimit për ato që ndotin mjedisin.
Pro qytetarët kanë votuar edhe që pensionistët që janë ende në punë të paguajnë kontribute shoqërore, që të ashpërsohen masat ndaj kriminelëve si dhe të ndihmohen nënat me fëmijë të mitur që të përfitojnë mbrojtje sociale. Shqiptarët kanë votuar kundër vetëm ndaj vendosjes me detyrim të paraqitjes së certifikatës së vaksinimit në të gjitha hapësirat e mbyllura dhe në tubimet e mëdha.
Lajme të tjera
-
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Vigjilje Krishtlindjesh, Pastori Akil Pano: Ngjarja më e madhe në besimin e krishterë! Të hapim zemrën e të ndihmojmë njerëzit në nevojë
24 Dhjetor, 19:23 -
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
'Parashqevia ka nevojë për mbështetje shpirtërore', Gëzim Tushi: Çdo njeri i famshëm në Shqipëri anatemohet! U shfaqën moralistët më këshilla, llafazanëri sociale
20 Dhjetor, 20:10 -
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Mbledhja e Kuvendeve Kosovë-Shqipëri, Kreshnik Çollaku: Ngjarje pozitive! Rama provokoi, bëri fushatë kundër Kurtit
20 Dhjetor, 17:44 -
Arlind Isa në 'Studio Live': Artan Grubi mund të jetë në Kosovë! Ilir Aliaj: Listat e non-gratave do shtohen! Këmbana për ata që duan të dëgjojnë në Shqipëri
19 Dhjetor, 19:07 -
Noka shtyu Shehajn në Kuvend/ Haklaj: Sherri, me urdhër të Ballukut! Islami: Këta zihen si qentë për kocka! Mërtiri: Ndodhi për koncesionarin, mik me Berishën
19 Dhjetor, 17:45 -
Studio Live/ Dosja 'Toyota Yaris', Petraj: Hetimet u mbyllën por nuk dihet origjina e parave! Softa: Ka mangësi, por besoj do kemi prova të reja
18 Dhjetor, 19:48 -
'Studio Live'/ Qefalia: Shqipëria me hapat e duhur për në BE! Po mendohet shërbimi i detyrueshëm ushtarak! Sidi Hasanaj: Non-gratat përfaqësojnë interesat pro-ruse
18 Dhjetor, 18:16
