Një aksident është shënuar në dalje të qytetit të Beratit, në lagjen "Uznovë". Mjeti tip ‘Mercedez Benz’, me targa AA 995 VD, ka dalë nga rruga dhe ka përfunduar në vendin e quajtur "Përroi Zagores". Gazetarja e Report Tv, Mimoza Sinanaj raporton se në drejtimin e mjetit ishte drejtoresha e Kadastrës së Beratit, Osjana Zaimi.
Zaimi ishte e shoqëruar me dy pasagjerë të tjerë, familjarët e saj. Drejtuesja e mjetit dhe pasagjerët janë nxjerrë nga mjeti dhe janë transportuar me ambulanca drejt Spitalit Rajonal Berat, por kanë refuzuar të mjekohen dhe janë larguar nga spitali pa pritur mbërritjen e efektivëve të Policisë Rrugore për t’i marrë deklaratat në lidhje me aksidentin.
Ende nuk dihen shkaqet e aksidentit që sipas burimeve paraprake në vendngjarje mendohet se mjeti ka qenë me shpejtësi dhe ka rrëshqitur e më pas ka rënë në kanal gjatë një frenimi të fortë. Policia nuk mund të konfirmojë dot nëse drejtuesja e mjetit, Drejtoresha e Kadastrës së Beratit, ka qenë apo jo nën efektin e alkoolit në drejtimin e mjetit pasi pritej që testi i alkoolit t’i bëhej në spital por ajo ka lënë ambientet e spitalit dhe është larguar.
![](https://shqiptarja.com/template/img/NO_ALFA_Kuadrate shqiptarja.png)
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Kokaina
Përgjigjugorja qe ra ne uren e zagores.. drejtoreshe jo shaka..
Përgjigju