POP 5

Lajmet më të lexuara të 5 minutave të fundit

Kronikë

Dropull/ Hajdutët hyjnë brenda banesës së dy të moshuarve dhe u marrin paratë, djali i familjes: Na morën rreth 2 mijë euro (VIDEO)

Ngjarja ka ndodhur rreth orës 03:30, në fshatin Terihat, Bashkia Dropull, ku persona ende të paidentifikuar, kanë hyrë në banesën e V.B., ku ndodheshin dy të moshuara dhe kanë marrë një sasi parash.

Një vjedhje ka ndodhur në orët e para të mëngjesit të kësaj të shtune në Gjirokastër. Ngjarja ka ndodhur rreth orës 03:30, në fshatin Terihat, Bashkia Dropull, ku persona ende të paidentifikuar, kanë hyrë në banesën e Vasil Basho., ku ndodheshin dy të moshuara dhe kanë marrë një sasi parash dhe më pas janë larguar.

Sipas policisë autorët nuk kanë ushtruar dhunë ndaj të moshuarve, por vetëm kanë marrë sasinë e parave. Në vendngjarje ka shkuar grupi hetimor, ku vijojnë veprimet për zbardhjen e ngjarjes, identifikimin dhe kapjen e autorëve.

 

Rendit zhvillimet sipas orarit:
Ora 12:24
E moshuara në Dropull rrëfen momentin e vjedhjes: Më mbyllën gojën e vetëm më kërkonin lekët


E moshuara Jorgjica Ruçi e moshës 80 vjeç ka rënë pre e një vjedhje nga persona të maskuar gjatë natës. Ajo ka rrëfyer të gjithë ngjarjen e ndodhur, ndërsa ka thënë se autorët i kishin mbyllur brenda dhe më pas kishin marrë paratë.

"Isha te krevati. I thash edhe një komshije për të fjetur bashkë. Na hodhën rrobat mbi kokë. Ca kërkoni u thash more. Duam para me thane. Ku i ke parat me thonin. Unë bërtisja e qaja. I hodhën të tëra. Më futi në dhomë, më tërhoqi zvarrë. Na mbyllën brenda me atë komshien tjetrën. Njerëz me pistoleta, me elektrik. Ku i ke parat more thonin? Më kapën gojën por nuk më goditën." tha e moshuara.

Ora 11:50
U vodhën paratë në banesë, flet djali i shtëpisë: Ndodhi sapo u nisa për Greqi, ja sa para na kanë marrë

Detaje të reja kanë dalë në dritë nga vjedhja e një sasie të konsiderueshme parash nga disa persona në një banesë në Dropull të Gjirokastrës. Djali i familjes është shprehur se në banesë kishte paratë që fitonte nga puna dhe se ditën e djeshme sapo ishte larguar për në Greqi. Ai dyshon se këtë veprim ta kenë kryer njerëz që e njohin nga afër.

"Më shumë na vjen keq për dokumentet e bankës kartata e identitetit dhe ato të doktorëve që vemi në Janinë. Sikur të isha naj biznesmen, një copë taksixhi jam. Mund të jetë 2500 euro. U tremba në fillim por nuk është ajo shifër që u tha në fillim, se djali i kishte marë lekët dhe i kishte çuar në Janinë. Janë edhe ca lek, 80 mije lek dhe 1500 euro. I mbajmë në shtëpi, kemi plakën, sot jemi nesër sjemi, lekët duhen në shtëpi." tha djali i shtëpisë.

"Erdhën nga kunati andej, u futen brenda. I kane vene pistoleten ne koke. Kanë marrë plotë gjëra. Kanë marrë lekë dokumente dhe çfarë kisha. Sa erdha nga Athina dhe ende nuk e di çfarë kanë arrë. Mamaja është në gjendje shumë të rënduar. Lekët i kishim nga puna, nuk kisha para. Ato që punoja kisha. na ka dërguar edhe djali. Nuk e di nëse e ka ditur njeri. Ata flisnin edhe shqip edhe greqisht. Ne dje në mëngjes ikëm në Athinë. " tha nusja e shtëpisë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bestrove: 21/12/2019 21:04

    Vlonjate ishine?

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

‘Studio Live’, avokati Islami: ‘Berisha do arrestohet, ‘non grata’ s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!

‘Studio Live’, avokati Islami: ‘Berisha do arrestohet, ‘non grata’ s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!

26 Dhjetor, 18:14