Nisur nga një video-koment që bëra lidhur me aksidentin tragjik të Himarës, ku shpjegoja teknikisht arsyet e aksidentit dhe çfarë duhet të bëjmë që të mos ndodhin rishtas, është shkëputur nga konteksti, çfarë them dhe përdoret për të ndezur revolucionin popullor.
Kush ka parë video-komentin e plotë e ka të qartë që nuk justifikohet ngjarja dhe autori, por trushplarëve iu mjafton ajo që iu ofron Berisha, dhe jo e vërteta.
Pas “Syrit”, tani e kanë marrë stafetën rrogëtarët në të zezë të Berishës dhe Metës.
Lidhja e emrit tim me qeverinë Rama, duke manipuluar faktet, nga momenti që shteti ndërmori hapat institucionalë për të zbardhur ngjarjen dhe dënuar autorin, ka si qëllim të sajojë një target që i çon tek Rama dhe të nisin demontimin e shtetit. Kjo është një praktikë që Berisha e ka përdorur në vitin 1991 kur rrëmbyen katër arkivolë dhe rrëzuan shtetin. Që nga ajo ditë Policia nuk e mori më veten. E kanë bërë në 98-ën kur me arkivolin e Azem Hajdarit sulmuan dyert e Kryeministrisë; e kanë bërë sa herë ndonjë kriminel vritej në përpjekje me forcat e rendit duke e shpallur hero të PD dhe e kanë bërë edhe pasi dolën nga Kuvendi duke sulmuar më shumë se godinat e Edi Ramës, Policinë e shtetit të shqiptarëve. Po e bëjnë sot, duke identifikuar një bandit si Arjan Tase me gjithë trupën policore, duke kërkuar që të implikohet e gjithë Policia.
Këtë radhë makabriteti i Berishës po arrin majat duke përdorur arkivolin e një foshnjeje.
Nuk besoj se ka mbetur njeri në Shqipëri që nuk iu dhimbs foshnja, sikurse nuk ka mbetur njeri pa përbuzur Arjan Tasen.
Por në këto momente ajo që duhet të bëjë shteti është të ruajë gjakftohtësinë dhe mos bjerë në panik. Një kokainoman apo kriminel gjendet edhe në rradhët e Policisë, sikurse edhe në krye të opozitës. Një hajdut dhe minues demokracie si Berisha, që hedh turmën kundër institucioneve të shtetit, gjendet edhe në krye të opozitës por ai nuk përfaqëson çdo opozitar të këtij vendi, apo çdo qytetar të indinjuar.
Berisha dhe Meta kane për qëllim ta çojnë vendin në anarki, në mënyrë që qytetarët të vijnë në pikën, që më mirë të pranojnë pushtetin kleptokrat të dyshes, sesa anarkinë e rrugës. Këtë ka praktikuar Berisha, në gjithë karrierën e tij, herë duke djegur vendin dhe herë, kur me tufën e komitëve dilte rrugëve të Tiranës; sa me arkivol në dorë, sa me premtimet për arkivole.
Karriera e tij politike kalon nëpërmjet destabilizimit të shoqërisë, sulmit permanent ndaj institucioneve, duke synuar t’i çojë njerëzit në zgjedhjen e dëshpëruar, që më mirë në fund pranon dhunën shtetërore të Berishës, si më pak e keqe, krahasuar me dhunën e tij të rrugës.
Mitingu i djeshëm tregoi se prania e Berishës dhe Metës në miting përdhosi dhimbjen e qytetarëve. Janë miliona ata që iu dhimbs ajo foshnjë, që duan siguri në plazhe, në rrugë, në shtëpi dhe dënimin e autorit, por këtë nuk e presin nga dyshja që ishte dje në shesh.
Detyra e shtetit është të japë drejtësinë dhe mos të lejojë llumin e rrugës dhe demagogët që iu prijnë, t’i imponohet shumicës. Kush ka të drejtë, pastaj, e vendosin qytetarët në votimet e ardhshme.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
Ky personi ka qene dhe pjese e mpj. Pika pika ca injorantesh. Shteti thote, jep drejtesi. Zot i madh cna ke prute kokrren e injoranteve dhe pykat ne diell. Drejtesine o kopace e jep Gjykata. Dhe kjo nuk eshte "shtet" por pushtet ne nje shtet. Pocaqi burre.
PërgjigjuZotni dritani,te befshin mire sufllaqet e kryerilindasit jo vetem per faktin se ke shije te veçante kur i konsumon,porse erzat qe iu hedhin ketyre sufllaqeve kufomate e krimit e te korrupsionit saliviçidoli e likebanditi te bejne me polemistanal-ist. Hajde tan,mos u merzit se qeni leh atje ku ha.
Përgjigju