Një 65-vjeçae është gjetur i vdekur në banesën ku jetonte në Durrës, në lagjen nr 9. Familjarët e të moshuarit kanë sinjalizuar policinë pasi kishin humbur kontaktet me të afërmin e tyre. Dyshohet se 65-vjeçari me iniciale A.G, kishte ndërruar jetë rreth dy javë më parë.
Policia ka shkuar në pallatin ku jetonte i moshuari dhe kanë njoftuar zjarrfikësen. Paraprakisht dyshohet se ky shtetas ka humbur jetën për shkaqe natyrale.
‘Rreth orës 12:45, në lagjen nr. 9, Durrës, është gjetur në banesën ku jetonte vetëm, pa shenja jete dhe pa shenja dhune, shtetasi A. G., rreth 65 vjeç. Paraprakisht dyshohet se ky shtetas ka humbur jetën për shkaqe natyrale. Grupi hetimor ndodhet në vendngjarje dhe po punon për sqarimin e rrethanave të ngjarjes.’- njofton policia.