Durrës, studentët: Tymi i plehrave 
në Porto Romano hyn në universitet

DURRËS - Me dhjetëra studentë të Durrësit kanë dalë sot në një protestë përpara Universitetit të Durrësit në Spitall kundër djegies së plehrave në Porto Romano.

Studentët thonë se godina e universitetit ku ata marrin leksione është pranë vendgrumbullimit të mbetjeve urbane dhe djegia e tyre shkakton një ajër shumë të rënduar. At thonë se një gjë e tillë i pengon të zhvillojnë mësimin normalisht pasi tymi që shkaktojnë plehrat hyn në auditore. Artion Bajramaj një prej protestuesve, thotë se i duhet dhënë fund përpunimit të plehrave me anë të djegies dhe duhet gjetur një mënyrë më ekologjike.

Ndërsa studentë të tjerë protestues deklaruan se nëse vazhdon një situatë e tillë në këtë universitet më mirë atij t'i vihet dryni dhe të mbyllet.



Ata u kanë bërë apel edhe studentëve të tjerë si dhe banorëve të zonës përreth që të bashkohen me ta në protestë, në mënyrë që t'i japin fund njëherË e mirë përpunimit të mbeturinave me djegie.
 
Në Durrës ka vite që plehrat përpunohen me anë të djegies së tyre në një fushë në Porto Romano.



Redaksia Online
(Gre.M/Shqiptarja.com)