Ilir Meta do të hyjë në historinë e Shqipërisë, si politikani që sa herë është në rrezik, shpik një grusht shteti.
I pari ishte më 22 janar 2011, një ditë pas vrasjes barbare në Bulevard të katër shqiptarëve që protestonin kundër videos së tij.
Për të mbuluar vrasjet e “kokëpalarëve” dhe pastaj për të diktuar drejtësinë, Ilir Meta me Sali Berishën shpikën të famshmin grusht shteti. Atëhere, meqë Berisha ishte kryeministër dhe Meta zëvendës i tij, grushtin e shtetit “e bënte” presidenti, kryeprokurorja dhe katër gazetarë.
Të gjithë e mbajmë mend se si atëhere torturoi dhe Eduard Halimin me shokë, të hetonin drejtësinë, që nuk po gjente dot autorët e grushtit të shtetit, duke bllokuar kështu hetimet e Prokurorisë, duke refuzuar të dorëzonte dëshmitarët dhe duke I mbushur sallat me gardistë, të cilët kishin “shpëtuar Shqipërinë” nga grushti i shtetit.
Se si mund të bënte grusht shteti një president kundër Qeverisë, nuk kishte zot ta kuptonte, veç Ilir Metës dhe Sali Berishës, por ata ja arritën në një farë mase të frenonin hetimet mbi vrasjen, të trembnin drejtësinë t’i thërriste si të pandehur për vrasje dhe natyrisht e trembën t’i dënonte.
Nëntë vjet më pas, Ilir Meta është sërish përballë një problemi që lidhet me shkarkimin e tij. Parlamenti me shumë mundësi e shkarkon atë brenda muajit që vjen dhe fati i tij mbetet në duar të Gjykatës Kushtetuese.
Beteja e tij për të kontrolluar në mënyrë antikushtetuese përbërjen e Gjykatës Kushtetuese, me qëllim që të shpëtojë nga shkarkimi, ka marrë përsëri emrin “betejë kundër grushtit të shtetit”.
Njësoj si pas 21 janarit, ky njeri ka shpikur grushtin e dytë të shtett, meqë ndjehet i rrezikuar. Këtë radhë Sali Berisha është pas tij, por në heshtje, ndërsa Lulzim Basha pas tij me bezdi.
Beteja e tij qesharake, butaforia e thirrjeve të nëpunësve të tij dhe militantëve të LSI, që flasin për “vdekje të “grushtit të shtetit”, është një komedi që do të mbahet mend gjatë në historinë e këtij vendi, si çdo histori tragjike që tenton të përsëritet.
Herën e parë Ilir Meta shpalli puçist presidentin, se rrezikonte Qeverinë. Këtë radhë po shpall puçiste Qeverinë, se rrezikon të shkarkoj presidentin. Duken si dy gjëra të ndryshme, por është e njëjta gjë. Në të dy rastet Ilir Meta që rrezikohet nga drejtësia, shpall veten shtet dhe shpik një grusht shteti përballë tij.
Është mirë ta marrë më lehtë. Të mos shqetësohet për shtetin, pasi ai ndjehet më i sigurtë pa të. Është më mirë të shqetësohet për grushtin me të cilin po tenton të kërcënojë drejtësinë, siç e kërcënonte pas 21 janarit.
Tani ca gjëra kanë ndryshuar dhe nuk e thërret dot Doktorin në mesnatë t’i tregojë videot e Priftit e Zenit si garanci për besnikërinë. Dhe as të kërcënojë më prokurorët dhe ministrat e Drejtësisë.
Le të dalë në Bulevard, aty ku dolën “kokëpalarët” më 21 janar, dhe të jetë i sigurtë që nuk do ta vrasë askush.
Nuk e ka dënuar njeri me vdekje. Siç shihet, Zoti e ka dënuar me më shumë se aq. E ka bërë qesharak.
Komente
Lajme të tjera
-
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34 -
Zbardhet mbrojtja e Ilir Metës përpara Gjykatës së Posaçme të Apelit: Kërkoj lirinë, shumica e pronave dhe e llogarive bankare të Monikës! S’mbaj përgjegjësi për shpenzimet e ish-gruas e ish-vjehrrës
19 Nëntor, 12:42 -
Dosjet 'e nxehta'/ Adriatik Doçi: Meta është vizatuar si koka e korrupsionit, Kryemadhi merimanga! Përdorën biznesmenë si bankomat
18 Nëntor, 19:56 -
Apeli i GJKKO vendos nesër për Metën, Presidenti i PL-së apel nga burgu: Persona të paautorizuar po organizojnë protestë, distancohuni
18 Nëntor, 14:06 -
Mero Baze: Përse Berisha është i tërbuar me opozitarët e rinj
17 Nëntor, 07:07
E ka bete te dhjese ne breke
PërgjigjuSuper, bravo...
Përgjigju