Kombëtarja shqiptare e futbollit do të zhvillojë dy ndeshje miqësore në qershor, të dyja në Tiranë. Nesër (3 qershor) tanët do të kenë përballë Izraelin, ndërsa më 6 qershor kuqezinjtë do të përballen kundër Luksemburgut.

Trajneri i ri i Shqipërisë të futbollit, Rolando Maran, pati mundësinë që pasditen e të hënës të drejtonte për herë të parë stërvitjen e ekipit. Italianit nuk i shkuan gjërat sipas planit pasi kishte dy mungesa.

Gjatë pasdites së djeshme FSHF njoftoi se mbrojtësi Ardian Ismajli u largua nga grumbullimi për shkak të problemeve fizike, ndërsa mbrojtësi Naser Aliji u la të zhvillonte një fazë rikuperimi për shkak se 24 orë më parë kishte luajtur 90 minuta me Dinamon.

Grupi tjetër prej 25 futbollistësh fillimisht u ushtruan në palestër dhe më pas zbritën në fushë për ushtrimet taktike, ndërsa klima në ekip u pa e qetë.

Sot në orën 16:30 trajneri Maran dhe një lojtar do të dalin para medieve në konferencën zyrtare për shtyp para ndeshjes ndaj Izraelit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Qershor, 11:02

    Jeni me Edi Ramën për zhvillimin e Zvërnecit?

Lajme të tjera