TIRANË- Petrit Lekvukaj ishte 22 vjeç kur nga Italia dhe më pas Zvicra, vendosi të zgjedh Gjermaninë për të jetuar për 14 vite. Historia e shkodranit, i cili sot është 46 vjeç solli në studion e emisionit ’’Pa gjurmë’’ nënën e tij Lizën, ajo e cila pas largimit të të birit foli vetëm në telefon me të, pasi prej vitesh nuk u takuan nga afër. Petriti emigroi që prej vitit 1996 dhe nga Gjermania humbi gjurmët dy herë, së pari në vitin 2000. Në rrëfimin e saj, me brengë për të fatin e të birit Liza Lekvukaj mban mend me hollësi largimin e Petritit nga Shqipëria 14 vite në parë.
"Herën e parë ishte 22 vjeç dhe emigroi drejt Greqisë. Fitoi disa lekë dhe u kthye në Shqipëri. Ai na dha lekët që kishte fituar atje. Mbas një jave na i kërkoi përsëri sepse donte të largohej. Babai i tha të mos e lejoja që të iki sepse nëse do të ikte, nuk do të kthehej më. Ja kthyem lekët djalit dhe iku me shokët në Itali. Atje më merrte rregullisht në telefon. Qëndroi 6 muaj atje dhe më pas iku në Zvicër. Edhe atje na merrte në telefon. Qëndroi afërsisht 8 muaj dhe më pas iku në Gjermani. Atje qëndroi 3-4 muaj pa kontaktuar fare. Atje pashë vetëm një foto, ku mora vesh se djali ishte shëndoshë e mirë, por nuk arrita të kontaktoja me të"-thotë nëna.
Petriti është djali i vogël nga 2 djemtë në familjen e madhe Lekvukaj me 7 fëmijë. Kishte 4 vite që Petriti jetonte në Gjermani, kur humbi gjurmët për herë të parë, në vitin 2000. 7 vite më pas dikush troket në derën e familjes Lekvukaj, ishte shoku i Petritit, shkodrani Beni Alia emigrant në Gjermani.
"Djali më pas dërgon një shokun e tij në Shqipëri, që të më jepte një numër kontakti dhe të lidheshim. Ai vjen tek shtëpia dhe pyeti nëse ishte familja e Petrit Lekvukajt. U ulëm dhe filluam të bënim muhabet dhe më thotë që brenda 10 ditësh do të të lidh me Petritin sepse tani nuk mundem. Erdhi mbas disa ditësh, më solli numrin e telefonit të Petritit dhe atij i dërgoi numrin e telefonit tim. Në këtë mënyrë lidhëm kontaktet. Kur fola me të, më tha që kishte pasur disa punë dhe se kishte humbur numrin e telefonit tim. Folëm 4 vite rregullisht. Më merrte natën më shumë se ditën. Ai tha se jetonte me qira dhe se ishte martuar me një bullgare, me të cilën kishte edhe një vajzë. Më ka sjellë edhe foto. Xhoana quhet vajza që duhet të jetë rreth 10 vjeç sot", tha ajo.
Në Gjermani, Petriti njihej si Petro Vukaj. Kontaktet me familjen vijuan rregullisht edhe për 4 vite në radhë, deri kur një ditë të nxehtë gushti, në vitin 2012 Petriti i thotë nënës se do të fliste me të në mbrëmje. Pritjes së sat ë gjatë, Petriti nuk iu përgjigj më, duke humbur kështu gjurmët për herë të dytë.
"Katër vite kam folur me të, por më pas u shkëput. Në telefonatën e fundit më tha: - “nënë ku je se po të dëgjoj me zhurmë”, pasi unë isha në breg të detit dhe i thashë që të merrte më vonë. Gjithë natën qëndrova zgjuar duke pritur telefonatën e tij, por kanë kaluar 7 vite. Kam provuar ta marr vetë, por dilte i fikur. Ai kishte 14 vite që qëndronte në shtetin gjerman-rrëfen nëna.
Dyshimet e familjarëve janë se konflikti i shumë viteve më parë me kunatin e tij është arsyeja që Petriti ka shkëputur marrëdhëniet edhe me familjen. Këta të fundit kanë afro 6 vite që nuk komunikojnë as me dhëndrin e familjes, për të njëjtën arsye, atë të Petritit…
Përveç dyshimeve që ka familja, dëshmi të emigrantëve në Gjermani, nuk përjashtojnë mundësinë se ai është pjesë e një grupimi, që njihet si ’’Klubi i Shqiptarëve në Meksikë’’.
Lajme të tjera
-
Historia në Lushnje/ Në burg për përdhunimin e një vajze, fëmijët e 63 vjeçarit në 'Pa Gjurmë' kërkojnë drejtësi për të atin
12 Korrik, 17:28 -
U gjet i pajetë me tatuazhin ‘Korça’ në Belgjikë, thirrje për identifikimit e shqiptarit në 'Pa Gjurmë’! Mister shkaqet e vdekjes, dyshohet se familja ndodhet në Shqipëri
25 Qershor, 16:27 -
Ndodh e papritura në ‘Pa Gjurme’! Nëna dhe babai kërkojnë djalin e humbur, i riu i suprizon live: Jam mirë
29 Maj, 18:10 -
Pas apelit në ‘Pa Gjurmë’, bebja 11 muajshe e braktisur strehohet në Shtëpinë e Foshnjes! Koçiu: E trazuar nga ngjarja! Denonconi çdo rast
10 Prill, 15:53 -
Ekskluzive/ 'O marr atë o vetëflijohem!’ Babai i 14 vjeçares që u martua me 35 vjeçarin flet për ‘Pa Gjurmë’: Ma rrëmbeu, e pranova nga e keqja
12 Janar, 16:52 -
Varrimi i 33 vjeçarit që u vra nga kunati se abuzoi seksualisht me vajzën e tij, mungon motra, gruaja e autorit! Nuk shkojnë as shokët e viktimës: Ndihemi të turpëruar
12 Janar, 16:14 -
29-vjeçari Angjelo Avdiu u gjet i varur në Greqi, i vëllai në ‘Pa Gjurmë’: E njoha vetëm nga çakmaku! Ja çfarë dyshon policia
27 Nëntor 2023, 16:15 -
Gjashtë muaj pas vdekjes së Brisilda Nexhipit, reagon nëna: Vajza nuk bëri aksident, dyshoj se trupi u fsheh në morg!
23 Nëntor 2023, 17:19 -
'Artemis mbahet peng!' Prindërit e 19 vjeçares së zhdukur prej 3 vitesh në Greqi kërkojnë ndihmë në 'Pa Gjurmë'! Letra anonime dhe dëshmitë e reja
1 Nëntor 2023, 18:57 -
Lidhet live nga burgu me ‘Pa Gjurmë’, 37-vjeçari Artur Çollaku kërkon të rilidhet me familjen: Prej 8 vitesh në izolim nuk kam takuar askënd
30 Tetor 2023, 17:10 -
Historia e pabesueshme! U rrëmbye 13 vjeç gjatë luftës në Kosovë, 'Pa Gjurmë' e bashkon me familjen pas 24 vitesh
27 Tetor 2023, 14:15 -
I dha fund jetës duke u hedhur nga furgoni në Peqin, historia e trishtë e Merushe Gjuzit! Përpjekjet për gjetjen e së bijës në ‘Pa Gjurmë’ dhe sherri me bashkëshortin
21 Tetor 2023, 13:31
