Dyshoheshin për zhvatje të biznesmenëve, arrestohet 'kapoja' shqiptar dhe tregtari italian

Dy persona, një shqiptar dhe një italian, janë vendosur në pranga në Genova të Italisë, pasi u zbuluan nga hetimet e ndërmarra se kishin krijuar një skemë për zhvatjen e biznesmenëve.

Sipas Liguria Oggi, rolin kryesor e kishte shqiptar Roland Gurabardhi. 24-vjeçari, sipas medias fqinje, është i njohur në botën e krimit të Sestri Ponente-s dhe mbi të rëndojnë edhe precedentë të mëparshëm penalë.

Gurabardhi akuzohet se ka dhunuar dhe kërcënuar në mënyrë të përsëritur dy tregtarë në zonën e Sampierdarena-s, për t’ua marrë paratë që ua kishte dhënë më herët me fajde. Sipas hetimeve paraprake, personi i dytë i arrestuar, tregtari italian Umberto Barletta (29 vjeç) ka luajtur rolin e ndërmjetësit midis shqiptarit dhe personave të cilët merrnin para nga ai.

Ndaj dy të arrestuarve është ekzekutuar masa e arrestit me burg, ndërsa hetimet po vazhdojnë për të zbuluar nëse ka subjekte të tjerë të përfshirë në krim apo viktima të tjerë të mundshëm.

TAG:
• skeme mashtrimi
• genova
• Roland Gurabardhi
• Umberto Barletta