U korruptuan nga Katari, arrestohen 4 zyrtarë në Bruksel mes tyre nënpresidentja e PE dhe ish eurodeputeti! Grupi i socialdemokratëve: Të hetohen!

Detaje të reja janë zbuluar nga arrestimet e bëra në Bruksel. Sipas detajeve ndaj zyrtarëve ishin ofruar shuma të konsiderueshme parash dhe dhurata të rëndësishme.

Flitet për korrupsion të dyshuar brenda organit të vetëm të të zgjedhurve drejtpërdrejt në Evropë. Dyshohet se korrupsioni është bëë nga Katari rregullisht. Që nga dhënia e Kupës së Botës deri tek shkeljet e të drejtave të njeriut dhe të kundërshtarëve politikë, personave LGBTQ + dhe 2 milionë punëtorëve migrantë që kanë punuar në Katar. Sipas mediave të huaja vendi i Lindjes së Mesme, ka korruptuar zyrtarë të rëndësishëm për të bërë të mundur shuarjen e akuzave për denoncime ndaj shkeljes së të drejtave të njeriut dhe të punëtorëve, pasi shumë prej tyre kanë humbur jetën për ndërtimin e stadiumeve.

Në kërkimet e mëngjesit të sotëm të bëra nga oficerët, në shtëpinë e ish eurodeputetit Pier Antonio Panzeri janë gjetur plot 500 mijë euro cash të cilat dyshohet se vijnë si pasojë e veprimtarisë kriminale të korrupsionit.

Eva Kaili, një eurodeputete e PASOK-ut dhe nënkryetare e Parlamentit Evropian, është përjashtuar nga partia pas hetimeve nga autoritetet belge për akuzat për korrupsion.

“Pas zhvillimeve të fundit dhe hetimit të autoriteteve belge për korrupsionin e zyrtarëve europianë, eurodeputetja e PASOK-ut Eva Kaili është përjashtuar nga partia me vendim të presidentit Nikos Androulakis”, njoftoi partia e qendrës së majtë.

Gazeta belge Le Soir raporton se autoritetet kanë kryer kontrolle në banesën e eurodeputetes dhe kanë arrestuar partnerin e saj në lidhje me skandalin.