E diela e sotme është e treta që të gjithë do të jenë të mbyllur në karantinë totale, pasi nuk lejohet asnjë dalje nga shtëpia dhe të gjithçka është mbyllur. Prej ditës së djeshme, e shtuna ora 13:00, sot dhe deri të hënën në orën 05:00 të mëngjesit ndalohet çdo lloj dalje me përjashtim të emergjencave ose të personave që shkojnë në punë, si në dy fundjavat e shkuara. Nuk do të lejohet qarkullimi as i automjeteve, as i këmbësorëve, përveç forcave të rendit, ushtrisë, transportit të mallrave dhe kompanive mediatike.
Përballë kësaj situate dhe masave të zbatuara në masën 99.99% tha kryeministri dje, do të zgjerohet fasha e orarit për të lëvizur këmbësorët, por edhe afati i lëvizjes së makinave private të kompanive që janë ligjërisht të lejuara për të qëndruar hapur. Gjithashtu do të shtohet lista e bizneseve që do mund të zhvillojnë aktivitetin e tyre, por do të ashpërsohen masat ndëshkimore që mund të shkojnë deri në heqje lirie apo konfiskim malli për bizneset.
Por ajo që ndodhi dje në tregun e Kombinatit që u kthye në një xhungël duke mos u respektuar asnjë masë distancimi dhe mbrojtje duket se ka shtyrë lirinë me pikatore të paralajmëruar. Edi Rama u shpreh se për kokëshkretët do të shkohet deri në heqje lirie.
Paralajmërimi nga Rama mbi masat lehtësuese që do vihen në zbatim pas të hënës
1.Do zgjerohet fasha e orarit kur mund të lëvizin këmbësorët
2.Do zgjerohet fasha orarit e lëvizjes për makinat private të bizneseve që qëndrojnë të hapura
3.Do zgjerohet lista e bizneseve që mund të qëndrojnë të hapura, jashtë qendrave tregtare
Ndëshkimet
1.Gjobë deri në heqje lire, për ata që këmbësor/ shoferë që janë përsëritës
2.Konfiskim malli deri në heqje të licencës për bizneset që nuk respektojnë masat mbrojtësve të punonjës, distancën
Mjetet e policisë së shtetit dhe automjetet e ushtrisë monitorojnë qytetin që nga mesdita e djeshme duke kufizuar në maksimum lëvizjet e makinave private dhe të qytetarëve, një pjesë e të cilëve ende i shikon orëve të mbrëmjes duke përshkuar xhiron e zakonshme të ecjeve sportive. Sot ka me pak lëvizje, kjo edhe për shkak të pa qëndrueshmërisë të motit dhe temperaturave te ulta në këtë fillim prilli. Qepenat e njësive të shërbimit dhe lokaleve qëndrojnë të mbyllura deri nesër në orën 5 të mëngjesit.
Gjithsesi kryeministri Rama paralajmëroi zgjatjen e fashës së orarit për qytetaret dhe njësite e shërbimit, por edhe shtrëngimin e masave deri në heqje lirie për ato që shkelin masat dhe daljet jashtë orarit të përcaktuar.
Asnjë qytetar nuk shihet në rrugët e qytetit të Fushë-Krujës ditën e sotme. Dhe pse në ditët e kaluara qytetaret kanë qenë mjaft rebel e të pabindur ndaj aktit normativ, sot ndodh krejt e kundërta. Duket se ajo që i tremb më shumë qytetarët janë gjobat dhe izolimi total i fundjavës, ku janë më të lehtë për t'u identifikuar shkelësit e aktit normativ.
Fieri ashtu si Tropoja është në shtetrrethim të plotë. Në rrugët e qytetit nuk dallohet asnjë lëvizje e qytetarëve ditën e sotme, të cilët janë urdhëruar ta bëjnë këtë deri nesër në orën 05:00 të mëngjesit. Sakaq me shumë vështirësi mund të shquash ndonjë automjet i cili lëviz sigurisht me autorizim, për nevojat individuale si shkuarja në punë.
Tropoja po zbaton me rigorozitet aktet normative për parandalimin e përhapjes së koronavirusit. Kjo në sajë edhe të ndërgjegjësimit të banorëve, por edhe angazhimit të policisë vendore që janë në shërbim pa ndërprerje. Ndërkohë Bashkia e Tropojës në bashkëpunim me policinë rrugore po punojnë edhe për vendosjen e sinjalistikës rrugore në qytetin e Bajram Currit.
Sakaq ditët e fundit për shkelje të akteve normative anti COVID-19 policia rrugore ka bllokuar tre mjete dhe ka gjobitur 80 drejtues automjetesh .
Komente
Lajme të tjera
-
Militantë të Berishës protestojnë kundër Ramës në Londër (VIDEO)
24 Nëntor, 12:59 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16
Makina qe dalin xhiro police qe pine kafe fshehurazi neper cepat e lagjeve e njerez qe levizin lirshem edhe kur shkembehen me policine.kjo eshte karantina ne vlore.
PërgjigjuE njejta gje identike ndodh dhe ne shkoder