POP 5

Lajmet më të lexuara të 5 minutave të fundit

Politikë

E kërkoi dje Paloka, Parlamenti zgjat hetimet me tre muaj për Saimir Tahirin

Parlamenti ka votuar “pro” me 72 vota për zgjatjen e hetimeve për komisionin hetimor për dosjen Tahiri. Vendimi vjen pas kërkesës së depozituar ditën e djeshme në Kuvend nga kryetari i këtij Komisioni, Edi Paloka.
E kërkoi dje Paloka, Parlamenti zgjat hetimet me tre muaj për Saimir Tahirin

Saimir Tahiri gjatë një mbledhjeje tek Komisioni i Mandateve

Pas kërkesës së depozituar ditën e djeshme në Kuvend nga kryetari i Komisionit Hetimor për çështjen Tahiri, Edi Paloka, ku kërkohej zgjatja e afatit të hetimit, parlamenti ka votuar “pro” me 72 vota. 3 vota kundër, dhe 1 abstenim, ky ka qenë vendimi i parlamentit. Kështu, hetimet për Tahirin do të vazhdojnë edhe për 3 muaj. Ajo që bie në sy në këtë votim, është fakti se kërkesën e Palokës e kanë votuar edhe deputetë të mazhorancës socialiste.

Komisioni Hetimor për ish-ministrin e Brendshëm, Saimir Tahiri është ngritur në muajin mars 2018, pak javë para heqjes së mandatit. Ky komision ka kërkuar disa herë shtyrjen e afatit të hetimeve, ndërkohë që në kërkesën që Paloka i drejtoi dje Kuvendit, kërkohej që ministri i Brendshëm, Fatmir Xhafaj dhe drejtori i Përgjithshëm i Policisë, Ardi Veliu të japin dorëheqjen, pasi sipas PD-së, pengojnë hetimet.

“Ministria e Brendshme dhe Policia e Shtetit nuk i kanë vënë në dispozicion për 5 muaj asnjë dokument Komisionit Hetimor. Ministri i Brendshëm dhe kreu i policisë akuzohen nga PD për pengim të qëllimshëm të komisionit hetimor “Tahiri”. Pengimi i komisionit ka qëllim fshehjen e gjurmëve të lidhjeve të qeverisë me krimin e organizuar”.-thuhej dje në kërkesën e Palokës. 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

KPA lë në fuqi shkarkimin e gjyqtarit të Gjykatës Administrative të Vlorës Ken Dhima

KPA lë në fuqi shkarkimin e gjyqtarit të Gjykatës Administrative të Vlorës Ken Dhima

16 Janar, 17:44