POP 5

Lajmet më të lexuara të 5 minutave të fundit

Kultura

E njohim si babai i Tilit, i jepet lamtumira Lutfi Hoxhës! Aktori ‘brilant’, i mbi 100 role në teatër dhe 22 në filma

Aktori Lutfi Hoxha iu dha lamtumira e fundit nga kolegët dhe të afërmit. Në Qendrën Kulturore ‘Aleksandër Moisiu’ shkruan përcjelljen e fundit përmes vargjeve e rrëfimeve ndër kujtime me që të gjithë e njohim si babai i Tilit tek filmi ‘Shoku ynë Tili’

Kolegu i tij, Haxhi Rama zgjedh t’i japë lamtumirën e fundit përmes këtyre vargjeve. Të tjerë miq, tek shkruajnë për të në përcjelljen e fundit, i sigurojnë Lutfi Hoxhës se e ka siguruar përjetësinë.

Aktori u shua këtë të diel në moshën 89-vjeçare. Mbi 100 role në teatër e 22 në kinematografi, shtëpia e tij e artit, teatri “Aleksandër Moisiu” në Durrës dëshmon edhe në këtë ditë të trishtë homazhesh talentin e tij.

Pioner i artit skenik, me mbi 7 dekada karrierë, Lutfi Hoxha ishte ndër të fundit aktorë  në jetë, të plejadës së vjetër të teatrit të Durrësit.

Interpretoi në disa nga filmat më të mirë të ish-Kinostudios, si “Rrugicat që kërkonin diell”, “Detyrë e posaçme”, “Thirrja” apo ”Shoku ynë Tili”. Edhe pas daljes në pension vijoi të angazhohet në shfaqje. Energjik e plot humor, kolegët e thërrisnin “Çuni”.

E nderon në këtë ditë të trishtë dhe presidenti Bajram Begaj, ‘Mjeshtrin e madh’, ‘Artistin e merituar’, që përcillet edhe në këtë rrugëtim të fundit në Durrës me duartrokitjet e dashamirësve të tij.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça