Nuk është një subjekt libri, as një skenar filmi, por rrëfimi i pazakontë i një 36-vjeçare nga Korça, e cila sot ka mbetur e vetme. Nënë e tre fëmijëve, Brisilda përfundoi në mes të katër rrugëve, pasi bashkëshorti ndërroi jetë pak ditë më parë. Ajo u dëbua nga familjarët e tij, ndërsa netët e ftohta në këto ditë dimri i kalon në hyrjen e një pallati në një nga zonat e kryeqytetit. Nga studio e emisionit ’Pa Gjurmë’ në Report TV ajo rrëfen historinë e pazakontë. Pas ndarjes nga jeta të babait, nëna e dhunonte dhe i kërkonte të dilte në rrugë duke e dëbuar nga shtëpia në moshën 14-vjeçare. E braktisur, adoleshentja gjeti mbështetje tek një burrë 53-vjeçar, të cilin fillimisht e pa si figurën e babait.
Kam qenë 15 vjeçe, kur kam nisur të bashkëjetoj me burrin tim. Nëna iku në Greqi dhe nuk pyeti fare për mua, por më braktisi në moshën 14 vjeçe. Ajo më la në mes të katër rrugëve edhe pse isha vajzë e vetme, nuk kam as vëllezër dhe as motra. Kur nëna më braktisi unë jetoja me gjyshen. Por kur ajo vdiq unë mbeta vetëm. Burrin me të cilin bashkëjetoja ma prezantoi një shoqja ime. Në fillim, më shumë e konsideroja si baba. Ai u verbua dhe unë i shërbeja. E kam dashur shumë, madje e kam edhe tatuazh emrin e tij. Ai më mori grua në shtëpi dhe është babai i tre fëmijëve të mi. Më ka respektuar shumë. Familja ime më braktisi 22 vite më parë, ndërsa nëna ime pas vdekjes së babait u rimartua. Në moshën 14 vjece më përzuri me shkelma nga shtëpia. Me të nuk kam asnjë kontakt, ajo u largua në Greqi dhe më ka dhunuar shpesh duke më kërkuar të më nxirrte në rrugë për të fituar para. Gjithçka e bënte me njerkun dhe ai më ka dhunuar, nuk më ka dashur.
Një jetë në mjerim, ku 36-vjeçarja është munduar të manifestojë një dashuri të madhe për burrin që e bëri nënë të tre fëmijëve më e madhja 12 dhe më i vogli 2 vjeç, të cilët i ka dorëzuar në jetimore. Sot, ajo çfarë i ka mbetur kësaj 36-vjeçareje janë rrobat e zeza të trupit nga vdekja e bashkëjetuesit dhe fotot me ngjyra të fëmijëve, që i mban në një çantë të kuqe të dalë boje.
Kam tre fëmijë dhe jetoj rrugëve. Jam pa shtëpi dhe sot jetoj në një hyrje pallati. Jetoj e vetme se fëmijët janë në jetimore. I kemi dashur me shpirt, por nuk kishim mundësi t’i mbanim, pasi kunati na përzuri nga shtëpia. Me polici më përzuri. Kam dy vajza dhe një djalë. Prej tre vitesh jetojnë larg meje dhe dita e fundit që i kam takuar është kur babai i tyre ndërroi jetë, më 28 nëntor. Djalin e vogël nuk e kam parë fare, që kur e linda në maternitet dhe e dërguan në Shtëpinë e Fëmijës në Shkodër. Me burrin kemi jetuar bashkë për 22 vite. E kam dashur shumë dhe kam shkuar mirë me të. E kam pasur mbështetje të madhe. Sot kam mbetur e vetme. Do më vrasin ndonjë ditë në rrugë, do më zhdukin fare.
Pa përkrahjen e askujt, ajo gjendet shpesh tek varri i bashkëshortit me dhimbjen që ka shkaktuar tek ajo ndarja e tij nga jeta. 36-vjeçarja iu drejtua emisionit 'Pa Gjurmë' për ndihmë, një derë që gjeti hapur në këto çaste të vështira.
VIDEO-emisioni i plote
Lajme të tjera
-
Ekskluzive/ I vranë të birin, babai i Martin Canit flet për Report Tv pas protestës: E pabesueshme, falënderoj shqiptarët që ma lehtësojnë këtë dhimbje (VIDEO)
21 Nëntor, 16:16 -
Historia në Lushnje/ Në burg për përdhunimin e një vajze, fëmijët e 63 vjeçarit në 'Pa Gjurmë' kërkojnë drejtësi për të atin
12 Korrik, 17:28 -
Skandali tek Onkologjiku/ Koduzi në 'Repolitix': Shërbimi më i keqfinancuar! Gazetarja: Mjeku denoncoi rrezatimin e Kobalto Terapisë, u detyrua të linte punën
25 Qershor, 21:46 -
U gjet i pajetë me tatuazhin ‘Korça’ në Belgjikë, thirrje për identifikimit e shqiptarit në 'Pa Gjurmë’! Mister shkaqet e vdekjes, dyshohet se familja ndodhet në Shqipëri
25 Qershor, 16:27 -
Ndodh e papritura në ‘Pa Gjurme’! Nëna dhe babai kërkojnë djalin e humbur, i riu i suprizon live: Jam mirë
29 Maj, 18:10 -
Pas apelit në ‘Pa Gjurmë’, bebja 11 muajshe e braktisur strehohet në Shtëpinë e Foshnjes! Koçiu: E trazuar nga ngjarja! Denonconi çdo rast
10 Prill, 15:53 -
Ekskluzive/ 'O marr atë o vetëflijohem!’ Babai i 14 vjeçares që u martua me 35 vjeçarin flet për ‘Pa Gjurmë’: Ma rrëmbeu, e pranova nga e keqja
12 Janar, 16:52 -
Varrimi i 33 vjeçarit që u vra nga kunati se abuzoi seksualisht me vajzën e tij, mungon motra, gruaja e autorit! Nuk shkojnë as shokët e viktimës: Ndihemi të turpëruar
12 Janar, 16:14 -
29-vjeçari Angjelo Avdiu u gjet i varur në Greqi, i vëllai në ‘Pa Gjurmë’: E njoha vetëm nga çakmaku! Ja çfarë dyshon policia
27 Nëntor 2023, 16:15 -
Gjashtë muaj pas vdekjes së Brisilda Nexhipit, reagon nëna: Vajza nuk bëri aksident, dyshoj se trupi u fsheh në morg!
23 Nëntor 2023, 17:19 -
'Artemis mbahet peng!' Prindërit e 19 vjeçares së zhdukur prej 3 vitesh në Greqi kërkojnë ndihmë në 'Pa Gjurmë'! Letra anonime dhe dëshmitë e reja
1 Nëntor 2023, 18:57 -
Lidhet live nga burgu me ‘Pa Gjurmë’, 37-vjeçari Artur Çollaku kërkon të rilidhet me familjen: Prej 8 vitesh në izolim nuk kam takuar askënd
30 Tetor 2023, 17:10
