Një ngjarje e rëndë ka ndodhur në Sarandë, ku një i moshuar ka rënë pre e dhunës. Mësohet se është dhunuar 72-vjeçari Kosta Shako, banues në Muzinë, i cili është invalid. Ai ndodhej në banesën e tij, kur është dhunuar nga një person i maskuar, i cili i ka hyrë në shtëpi dhe i ka marrë 15.000 lekë të vjetra.

I moshuari është transportuar në spitalin e Delvinës, ku ndodhet në gjendje të rëndë. Policia vijon hetimet për shkaqet e kësaj ngjarjeje dhe kapjen e autorit.sarande

Njoftimi i policisë:
Më datë 21.12.2017, rreth orës 07:30, Salla Operative Sarandë është njoftuar nga shtetasi K.Sh., se gjatë natës një shtetas i maskuar i ka shkuar në banesë dhe i ka vjedhur.

Shërbimet e Policisë shkuan menjëherë në vendngjarje dhe kanë marrë kontakt më shtetasin K.Sh., 72 vjeç, ku prej verifikimeve ka rezultuar se, rreth orës 03:30, në fshatin Muzinë, në banesën e tij i ka shkuar, një shtetas i maskuar dhe ende i paidentifikuar, i cili nën kërcënimin e fjalëve dhe dhunës i ka marrë (vjedhur), një shumë lekësh prej 15.000 lekë të reja.

Shtetasi ka dëmtime prej dhunës që ka ushtruar autori por jashtë rrezikut për jetën. Grupi hetimor i ndodhur në vendngjarje po punon për identifikimin dhe kapjen e autorit.

d.c./shqiptarja.com