POP 5

Lajmet më të lexuara të 5 minutave të fundit

Kronikë

Shëngjin/ Gomonia që po tërhiqej nga një makinë shkëputet dhe përfundon në trotuar, përplas një tjetër mjet! Shpëtojnë kalimtarët (VIDEO)

Gomonet problem në det, por edhe në tokë! Një situatë e pazakontë është regjistruar në qytetin e Lezhës, ku një gomone e cila po tërhiqej nga një makinë ka rrëshqitur dhe ka përfunduar në trotuar duke përplasur një tjetër makinë.

SHËNGJIN- Gomonet problem në det, por edhe në tokë! Një situatë e pazakontë është regjistruar në qytetin e Lezhës, ku një gomone e cila po tërhiqej nga një makinë ka rrëshqitur dhe ka përfunduar në trotuar duke përplasur një tjetër makinë. Ngjarja ka ndodhur rreth orës 21:30, teksa gazetari i Report Tv, Elvis Hila raporton se është shoqëruar drejtuesi i automjetit që po tërhiqte gomonen.

Për fat të mirë nuk ka pasur persona të lënduar, edhe pse në momentin kur rrëshqiti gomonia ka pasur mjaft kalimtar që kanë shpëtuar për mrekulli. Mjeti i lundrimit është bllokuar nga policia kufitare dhe po verifikohet dokumentacioni, ndërsa në momentin e ngjarjes po lëvizte në drejtim të portit.

Nëse kjo ngjarje do të kishte ndodhur para 2 gushtit, ndoshta nuk do të kishte këtë impakt që ka ditët e sotme. Kjo sepse pikërisht në 2 gusht, një gomone që drejtohej nga polici Arjan Tase i mori jetën vogëlushes 7-vjeçare, Jonada Avdia. E vogla po lahej në det, ku u përplas për vdekje nga gomonia. U desh të ndodhte nga kjo ngjarje që Policia Kufitare dhe në tërësi Policia e Përgjithshme të zbriste në terren dhe të zbulonte se shumë mjete lundruese nuk e kishin dokumentacionin e nevojshëm për të dalë në det. Që nga ajo ditë është dhënë urdhër që nëse nuk ishte me letra të rregullta atëherë nuk mund të dalë askush në lundrim, një urdhër që duhet të zbatohej edhe më parë, por që në realitet ndryshe nga sa ishte në letër, nuk funksiononte.

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

24 Nëntor, 07:05