POP 5

Lajmet më të lexuara të 5 minutave të fundit

Kronikë

E rëndë në Lushnje/ Humb jetën fëmija 6-vjeç, pësoi arrest kardiak sapo hyri në ambulancë të transportohej për në Tiranë

I vogli ka humbur jetën për shkak të bronkopneomonia bilaterale difuze insuficienca respiratore akute.

Tirane- Një fëmijë vetëm 6 vjeç humbi jetën pasditen e 25 janarit 2025 në spitalin e Lushnjes. I vogli, Aleksandër Rustani kishte mbërritur në spital në orën 14:20 minuta me ambulancën e qendrës shëndetësore Divjakë.

I mituri ka qenë i shoqëruar nga gjyshi i tij i cili ka deklaruar se fëmija 5 ditë më parë ishte sëmurë me temperaturë dhe virozën e gripit. Ai e kishte vizituar të voglin në qendrën shëndetësore të fshatit Shën e Premte të Divjakës ku kishte dhe mjekim për 5 ditë.

Pas 5 ditësh mjekim në shtëpi fëmijë nuk ka pasur përmirësim, ka pasur diare dhe të vjella dhe gjyshi e ka çuar në qëndrën shëndetësore të bashkisë Divjakë. Mjeku duke e parë gjëndjen e rënduar të fëmijëve e ka nisur urgjentisht në spitalin e Lushnjes. 

Aty është pritur nga mjekja roje. Mjekët kanë thënë se i vogli ka mbërritur në gjëndje të rëndë me saturim 70 dhe është asistuar në repartin e pediatrisë nga mjeku roje dhe personeli i infermierisë. Ndërkohë familjarët thanë se në këtë gjëndje i vogli ka qenë për gati 12 orë.

Pasi i është dhënë ndihma e parë u kartelizua dhe u morën analizat dhe në orën 16:00 është bërë vlerësimi nga konsulta me diagnozën bronkopneomonia bilaterale difuze, insuficienca respiratore akute.

Menjëhërë u vendos që fëmija të nisej me urgjencë në QSUT. 

Në orën 17:00, fëmija është zbritur për në ambulancë, e cila do ta shoqëronte për në Tiranë. Aty fëmija ka pësuar komplikacione dhe sipas protokollit të pediatres së spitalit të Lushnjes fëmija ka pësuar arrest kardiak.

Ambulanca ishte e pajisur me oksigjen, i cili iu aplikua pacientit. Në këtë moment, fëmija pati të vjella dhe humbi ndjenjat. Fëmijë është rikthyer në spital dhe mjeku pediatër, që do ta shoqëronte për në Tiranë, u përpoq ta reanimonte duke bërë masazh kardiak. Por, për shkak të gjendjes së rënduar, fëmija nuk ia doli. Të pranishëm kanë qenë nëna dhe gjyshi i të voglit. 

Vdekja e të voglit është konstatuar në orën 17:20, të 25 janarit 2025, ndërkohë sot familjarët kanë hapur dyert e mortit për ti dhënë lamtumirën.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Mijëra njerëz në Mitropolinë e Athinës bënë homazhe, të pranishëm kryeministri Mitsotakis, presidentja dhe kryetari i Kuvendit grek

Mijëra njerëz në Mitropolinë e Athinës bënë homazhe, të pranishëm kryeministri Mitsotakis, presidentja dhe kryetari i Kuvendit grek

27 Janar, 08:43