Policia në Kinë ka ndalur një furgon i cili po lëvizte me shpejtësi të ulët kur ka zbuluar se automjeti me gjashtë ulëse po transportonte 40 punëtorë ndërtimtarie.
Videoja e postuar më 3 maj, tregon momentin e datës 30 prill kur policia në Chongqing ndalon automjetin dhe i nxjerr punëtorët e ndërtimit një e nga një.
Policia u shpreh se në brendësi të automjetit, i destinuar për gjashtë pasagjerë, ishin në total 40 persona, 39 burra dhe një grua dhe se furgoni s’kishte ulëse fare në mënyrë që të fitohej hapësirë, ndersa pasagjeret qendronin me kembe.
Punëtorët ishin nisur drejt në një zonë ndërtimi në qytet.
Policia tha se shoferi është gjobitur për tejngarkim të automjetit dhe i është konfiskuar furgoni.
(d.b/Shqiptarja.com)