POP 5

Lajmet më të lexuara të 5 minutave të fundit

Ekonomi

Edhe banesat sociale mund të jepen me koncesion! Nëse bashkitë s’kanë fonde, i ndërton privati

Nëse bashkitë nuk do të kenë mundësi financiare për të ndërtuar banesat sociale, atëherë ato mund të kërkojnë ndihmë nga privati. Sipas vendimit më të fundit të Këshillit të Ministrave, dhënia me koncesion bëhet nëse njësitë e qeverisjes vendore e vërtetojnë se nuk kanë fonde.

Banesat sociale nuk do të ndërtohen vetëm nga shteti por edhe nga privati. Në rast se njësitë e qeverisjes vendore nuk do të kenë mundësi financiare për t’i ndërtuar, sipas vendimit më të fundit të qeverisë shqiptare, ato kanë të drejtë të kërkojnë ndihmën e privatit.

Nëpërmjet vendimit të fundit të Këshillit të Ministrave janë miratuar kushtet dhe pikat e kontratave që pushteti vendor do të lidhë me kompani private për ndërtimin e banesave sociale. Njësitë e vetëqeverisjes vendore sipas këtij vendimi, duhet që fillimit të analizojnë dhe bëjnë planifikimin e zonave që do të zhvillohen për strehim në territorin e tyre, si edhe të planifikojë fondet e përcaktuara për të përballuar zhvillimin e zonës me të ardhurat e veta.

Më pas ato duhet të ngrenë një grup pune që të kryejë studimin paraprak për zhvillimin e zonës, ku përfshihen analizimi i kostove, kërkesat për banesa në treg apo nevoja për banesa sociale. Ato do të vlerësojnë nëse kanë mundësi financiare për ta realizuar me të ardhurat e veta zhvillimin e zonës, ose ka nevojë për bashkëfinancim nga subjekte private ose nga buxheti i shtetit. Në rast të pamundësisë financiare, bashkitë do të shpallin thirrje për privatët, duke u vënë në dispozicion truallin.

Thirrja për të konkurruar dhe dorëzuar dokumentacionin e kërkuar do të shpallet në Buletinin e Njoftimeve Publike, dhe në rast se do të ketë më shumë se një kompani të interesuar do të jetë njësia e vetëqeverisjes vendore që do të zgjedh kompaninë me ofertën më të favorshme.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46