Zgjatja e afatit të koncesionit të aeroportit 'Nënë Tereza' me 13 vjet, Komisioni i Ekonomisë rrëzon dekretin e Metës

Të gjithë deputetët e Komisionit të Ekonomisë votuan pro rrëzimit të dekretit të presidentit Ilir Meta që ktheu për rishqyrtim ligjin për zgjatjen e afatit të koncesionit të Aeroportit Nënë Tereza me 13 vite.

Përfaqësuesit e presidencës e kanë konsideruar jo të ligjshme shtyrjen e afati,  pasi sipas tyre nuk pati konkurrim. Akuza këto që kanë marrë përgjigje nga ministrja e Infrastrukturës Belinda Balluku.

“Referuar shtimit të kohëzgjatjes me 13 vite të tjera shtesë më e gjatë se gjysma e afatit të vetë kontratës, e bën praktikisht të jemi me një koncesion të ri”, u shpreh Bledar Dervishaj këshilltari ligjor i presidentit Meta.

“Ju vetë jeni të qartë që ky nuk është koncesion i ri pasi nuk ka ndryshuar asnjë parim thelbësor i kësaj kontrate, është një negociatë e nisur në 2020 me shoqërinë koncesionare”, ju përgjigj Balluku.

Presidenca ka ngritur pyetje edhe për përfitimet që ka shteti nga zgjatja e kontratës.

“Kush ka qenë përfitimi i shtetit dhe i koncesionarit për shfrytëzimin e këtij aseti me koncesion?”, tha Dervishaj.

“Ka në bazën e tij krijimin e kushteve për shërbime më cilësore dhe uljen e çmimeve që është synim kryesor, të dyja janë akomoduar me ndryshmin e kontratës në aeroportin ndërkombëtar të Rinasit”, pohoi Balluku.

Kompania private që bleu aksionet e aeroportit për 71 milionë euro ka pranuar që do të investojë 100 milionë euro dhe do të bëjë të mundur fluturimet trans-oqeanike, do rris sigurinë e aeroportit dhe ul çmimet për pasagjerët.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Arrestimi i mjekut, a po bëhet sa duhet për të luftuar korrupsionin në sistemin shëndetësor?



×

Lajmi i fundit

Vrau në oborrin e shtëpisë vëllanë e vrasësit të babait, prokuroria kërkon dënim me 8 vite burg për 17-vjeçarin në Lezhë

Vrau në oborrin e shtëpisë vëllanë e vrasësit të babait, prokuroria kërkon dënim me 8 vite burg për 17-vjeçarin në Lezhë