Sektori për Krimin Ekonomik Financiar në Drejtorinë Vendore të Policisë  Dibër ka arrestuar Majlinda Jangulli, 47 me detyrë notere në qytetin e Peshkopisë. Ndalimi i saj u bë për veprat penale të “Shpërdorim të detyrës” dhe “ Falsifikimit të dokumenteve”.

Jangulli më datë 26.04.2010, me Nr 1136 Rep, NR. 225/1, Kol është përpiluar një kalim pronësie e palujtshme ( kontratë shitje) në emër të shtetases N. K. e cila rezulton të ketë vdekur më datë 25.05.2004, gjë e cila është vërtetuar nga Çertifikatë Vdekje.

Gjithashtu po më datë 05.10.2015,  është nënshkruar kontrata e shitblerjes numër Nr.3744 Rep. NR. 1217/1 kol, për të cilën shtetasi Q.L nuk ka qenë prezent.

Në vijim të veprimeve u bë edhe ndalimi i shtetasit Ylber Lami  32 vjeç,  lindur në fshatin Cerjan Dibër. Ndalimi i tij u bë pasi më datë 05.10.2015, ka nënshkruar një  kontratë shitblerje me numër Nr.3744 Rep. NR. 1217/1 kol, për të cilën  shtetasi Q.L nuk ka qenë  prezent.

Materialet i kaluan Prokurorisë së rrethit Gjyqësor Dibër për shtetasen  Majlinda Jangulli për veprën penale të “Shpërdorim të detyrës” dhe “ Falsifikimit të dokumentave nga personi që ka për detyrë të lëshojë dokumentin” si  dhe për  Ylber Lami për veprën penale ‘’Falsifikimit të dokumenteve’.

Redaksia Online
(f.s/shqiptarja.com)