Edi Rama,

Kjo nuk është protestë për të lëpirë dhe pickuar vajza e djem të sinqertë në bulevard.

Këtij populli i ke bërë deme të pafund. Në një vend me shoqëri me formim demokratik do kishe ikur me kohë.

Dëmi më i madh që do i bëje ketij vendi nuk janë e shkuara jote, por nëse do të ikje nga presioni i kësaj proteste neomarksiste, islamisto-fondamentaliste, antitrampiste, përçarëse midis shqiptarëve në rajon dhe kunder integrimit të Shqipërisë në BE.

Kujto që dëmi që do i besh vendit, duke e lënë atë në duart e atyre që duan ta zgjedhin qeverinë me short dhe hienave politike që presin të kapin çfarë të kapin, do jetë i tillë që ti nuk do i shpëtosh përgjegjësisë edhe kur ndoshta të mos jesh në këtë botë.

Meqënëse po flet për sinqeritet në bulevard, kujto ëndrat-makth të personazhit të Kadaresë tek Dimri i Vetmisë së Madhe.

Nëse çedon, mos u habit që mund të vijë një ditë që eshtrat e tua t'i tërheqin zvarre në bulevard si në endrrat e atij "reaksionarit".

Në krye te bulevardit ndonjëtrashegimtar i Mark Zavalines do i bjerë violinës.

Duket si fantazi e sëmurë, por ata qe janë të interesuar që ky vend të bëje përpara dhe jo pas, nuk do ta falin nëse çedon nga kjo protestë, synimi i të cilës është ta kthejë vendin një shekull prapa.

Rendit zhvillimet sipas orarit:
Ora 14:12
Manja i përgjigjet Spahos: Rama s’ka ku ikën por PD po shkrihet si opozitë! Këta çakejtë që kanë dalë nga puplat e flamingove janë fundi i kazanit!

Ish-ministri i Drejtësisë, Ulsi Manja, ka reaguar pas deklaratës së ish-deputetit demokrat Edmond Spaho, i cili i bëri thirrje kryeministrit Edi Rama të mos tërhiqet, duke paralajmëruar se largimi i tij do ta linte Shqipërinë në duart e atyre që, sipas tij, synojnë ta kthejnë vendin një shekull prapa.

Përmes një postimi në rrjetet sociale, Manja thotë se ndan të njëjtin qëndrim me Spahon për faktin se Rama nuk ka arsye të largohet, pasi, sipas tij, ka kontratë me 860 mijë shqiptarë deri në vitin 2029. 

Në postimin e tij, Manja tha se mazhoranca është e përkushtuar në ngritjen e urave të besimit me qytetarët dhe për kontrast foli edhe për gjendjen e PD-së dhe për çakejtë me lloj lloj flamujsh të protestës të cilët i kategorizon si 'fundi i kazanit të shoqërisë' 


“O Prof, dakord mor burrë po halli nuk është tamam ky! 

Edi Rama nuk ka ku ikën se ka kontratë me 860 mijë shqiptarë deri në 2029! 

Halli këtu është që këta po e shkrijnë PD si opozitë dhe megjithëse unë për PD mendoj fiks siç mendon ti për PS, këta çakej që kanë dalë nga puplat e flamingove me lloj-lloj flamujsh janë fundi i kazanit të shoqërisë! 

Uroj shumë që gjithë ata qytetarë me halle e probleme reale, që e mbështetën këtë marrëzi të nxitur nga shumë duar të këqia, të mos i japin më ushqim çakejve. 

Ndërsa ne, mazhoranca, duhet të gjejmë rrugët pastaj që të ndërtojmë ura besimi me këta qytetarë. Kurse për PD, nuk di ça të them o Prof, nuk është puna ime po shihni e bëni me autobusët që sillni nga veriu si “diasporë” në bulevard”, shkruan Manja.

 

U.D/Shqiptarja.com