Eduard Zaloshnja: Shiringat kryeministrore i kanë shfryrë tullumbacet protestore

Eduard Zaloshnja: Shiringat kryeministrore i kanë shfryrë tullumbacet protestore

Foto nga protesta në kryeqytet

Të premten zhvillova një sondazh me SMS rreth rritjes së çmimeve dhe protestave ndaj tyre (https://dritare.net/ngjarjet-e-dites/qytetaret-ndryshojne-qendrim-per-protestat-ja-sondazhi-i720726 ). Ai sondazh tregonte një ndryshim dramatik të opinionit të shqiptarëve të thjeshtë brenda një jave – të premten plot 49% e shqiptarëve fajësuan më shumë luftën në Ukranië se sa qeverinë për çmimet, krahasur me vetëm 30% para një jave; plot 45% i quajtën protestat partiake, nga vetëm 36% para një jave.

Dhe ai ndryshim dramatik në opinionin e shqiptarëve të thjeshtë u pasqyrua në pjesëmarrjen e protestuesve sot para kryeministrisë – ishte sa çereku i një jave më parë.

Po çfarë i bëri shqiptarët e thjeshtë të ndërrojnë opinion në mënyrë masive?

Gjatë një jave Kryeministri Rama ka krijuar dy borde monitorimi për çmimet e karburanteve dhe ushqimeve, ka shpallur një paketë masash ndihmuese për familjet në nevojë, ka zhvilluar dhjetra takime reale nëpër Shqipëri e virtuale në Facebook, ndërkohë që ka shpërndarë minister e tija nëpër emisionet televizive për të trumbetuar masat e qeverisë.

Një manovër të ngjashme bëri Rama pas shpërthimit spontan të protestave kundër ardhjes së armëve kimike siriane për asgjesim këtu, apo pas protestave të studentëve kundër pagesave për provimet e prapambetura.

Në çdo rast, ai u ka dhënë protestuestve mirëfilli spontanë disa nga gjërat që kërkojnë, duke lënë ta vazhdojnë protestën militantë e delirantë. Me fjalë të tjera, shiringat kryeministrore i kanë shfryrë tullumbacet protestore…

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po menaxhohet si duhet situata me zjarret në vend?



×

Lajmi i fundit

20 punët më të paguara në botë

20 punët më të paguara në botë