Mezi e prisja të vinte Bajrami. Studentëve dhe ushtarëve u jepnin të holla. Unë nuk hyja në kategorinë e dytë. Kur e mësova që studentët hynin në kategorinë e fakirëve në një kuptim më të gjerë nga fukarrallëku që jemi mësuar ta lidhim me filmat e Kinostudios që nuk duam t’i shohim më ndoshta nga një frikë e pakuptueshme se mos personazhet e tyre na kapin për “leckash” u gëzova.
Sigurisht u shtira sikur një zarf me të holla me rastin e festës më të madhe fetare për të gjithë botën arabe nuk kishte kurëfarë rëndësie. Rëndësi kishte miqësia, shoqëria e më the e të thashë. Por edhe droja e turpi I të qënit studente, në vitet 90-të, në një periudhë kur prindërit e mi u gjendën jashtë “sistemit” dhe për pasojë pa mundësi për ta mbështetur vajzën e tyre përtej atyre që quheshin mundësi financiare.
Në fillim, me droje e me turp pranoja zarfin që gjithkush që kish qenë mik me prindërit e mi për shumë e shumë vite në Kajro ma ofronte si dhuratë dhe mezi prisja që ato të holla, simbolike, por edhe jo aq simbolike t’i bëja “rrush e kumbulla”. Më vjen të qesh me fabulën “Dhelpra dhe rrushtë“, sa herë e dëgjoj. Dhurata e Eid-it! Ishte dhurata më e dlirë, më e bukur që kam pranuar ndonjëherë. E dhuruar ashtu sic vinte nga shpirti i atyre njerëzve me shpirt të jashtëzakonshëm që nuk munda t’i falenderoj asnjëherë. Sepse më vinte turp. Ky turp i cuditshëm që vetëm me turpin nuk duhej të kishte pasur kurrë lidhje. Turpi na është ngatërruar gjithmonë nëpër trup, ndoshta ndaj edhe këto fjalë në këtë gjuhën tonë mund të ngatërrohen, ashtu sic e ngatërruan disa syresh zarfin me të holla me skenare librash që nuk i hapën kurrë.
Eid. Kajro. Rrugë mbushur me njerëz që tërheqin shapkat zvarrë nëpër vapë. Me njerëz që nxitojnë të falen në xhaminë e lagjes. Me gra që tërheqin fëmijë t’i cojnë për të marrë dhuratën e Eid-it. Eid Mubarak. Në cdo cep të rrugëve dëgjohej vetëm kjo fjali. Gra që puthen me pllaquritje. Burra me gelebie dhe tespie. Eid Mubarak. Hani i Halilit gëlon nga njerëzit. Muluheia, tahinë, pite, koshari, bakllava, shawarma. Nargjile. Beze me ngjyra. Dhe uturima gati-gati shtazarake të grave që klithin me britmat e raasa-ve (bellydancer) për të festuar Eid-in. Eid Mubarak.
Gjurmët e jetës marrin shenjën e nostalgjisë, madje edhe kur ato shpesh duam të mos i kujtojmë ekzaktësisht sic kanë qënë, në mënyrë që të mbeten të bukura. Eid Mubarak.
Lajme të tjera
-
Fitër Bajrami, zv.myftiu i Tiranës për Report Tv: Të shtrijmë dorën për këdo që ka nevojë! Shumë shpejt hapet xhamia e Namazgjasë
10 Prill, 13:10 -
Lindur dhe rritur në Angli, 13-vjeçarja fal namazin në sheshin ‘Skënderbej’! Çdo ‘Bajram’ vjen në atdhe
10 Prill, 12:29
-
Frymëzuese! As pamundësia fizike nuk e ndalon të falë namazin e Bajramit (FOTOLAJM)
10 Prill, 11:27 -
Hapet pas 102 vitesh Xhamia Yeni në Selanik, besimtarët myslimanë falin namazin e parë
10 Prill, 10:08 -
Fitër Bajrami/ Pamjet me dron, mijëra besimtarë falin namazin në sheshin ‘Skënderbej’
10 Prill, 09:29 -
Sot Fitër Bajrami, mijëra besimtarë myslimanë falin namazin në sheshin ‘Skënderbej’! Kreu i KMSH: Të rinjtë mos të braktisin vendin! Ndalni dhunën ndaj grave
10 Prill, 06:57 -
Mbyllet sot 1 muaj agjërim, pas Ramazanit nesër Fitër Bajrami (Kur bëhet falja)
9 Prill, 10:38 -
Komunitetit Mysliman njofton besimtarët: Namazi i Fitër Bajramit do falet në Sheshin 'Skënderbej'
8 Prill, 22:47 -
Pas Bajramit, shqiptarët e Kosovës për pushime në Shqipëri: Kur të hapet koha do vijmë çdo javë! Deri tani kanë ardhur 4600 qytetarë
22 Prill 2023, 10:56 -
Veliaj dhe Noizy shërbejnë drekën e Fitër Bajramit në qendrën sociale ‘Gonxhe Bojaxhi’: Vetëm të bashkuar mund të ecim përpara
21 Prill 2023, 15:56 -
Agjëroi për herë të parë muajin e Ramazanit, Yll Limani tregoi mësimet që nxori gjatë këtij muaji
21 Prill 2023, 15:35 -
Fiter Bajrami në botë, myslimanët mes luftërash e dhimbje
21 Prill 2023, 15:03
