Ekonomia drejt rimëkëmbjes, INSTAT: Në tremujorin e parë, rritje me 5.53 % krahasuar me 2020

Reshjet e dendura të shiut në muajit e parë të vitit si dhe rritja e aktivitetit të ndërtimit, kanë dhënë shtysën më të fortë për rimëkëmbjen ekonomike këtë vit. Instituti i Statistikave njofton se pas një viti me recesion ekonomik prej 3.3% për shkak të pandemisë, në 3-mujorin e parë të 2021 ekonomia është rritur me 5.53% krahasuar me të njëjtën periudhë të vitit të kaluar, kur ekonomia ishte në rënie me 2,52 %.

Sipas raportit ndikimin më të madh pozitiv në rritjen ekonomike e ka dhënë Industria, Energjia dhe Uji me 2,56 %, ndërtimi me 1.09%, ndjekur nga administrata publike, arsimi e shëndetësia si pasojë e rritjes edhe të pagave me 0.97%. Po ashtu ndikim pozitiv ka dhënë edhe aktiviteti i pasurive të paluajtshme me 0.58%, për të vijuar më pas nga aktiviteti financiar, artet e argëtimi, informacioni dhe bujqësia me kontribut pozitiv.

Ndërsa negativisht ka ndikuar tregtia, transporti si dhe është regjistruar ulje në mbledhjen e taksave. Prodhimi i Brendshëm Bruto i vendit është rritur për periudhën janar-mars me 2.2% krahasuar edhe me tremujorin e fundit të vitit 2020.

Rimëkëmbja ekonomike në këtë tremujor është reflektuar edhe me rritje konsumi si nga popullata ashtu edhe nga qeveria. Sipas INSTAT konsumi i qytetarëve i cili përbën peshën kryesore të shpenzimeve në ekonomi në këtë periudhë  u rrit me 1,49 %, ndërsa konsumi final i qeverisë u rrit me 5,16 %.

Ndërkohë në total qeveria pret që këtë viti rritja ekonomike të jetë 5.5%, pak më lartë se parashikimet e ndërkombëtareve dhe të Bankës së Shqipërisë.

 

(Kliko këtu per të parë Rritjen ekonomike tremujore)

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Toni: 29/06/2021 14:02

    Po pse vrasjet me armet e 97 behen apo me arme moderne si uzi zastava e lloj tjeter. Snajper apo mina me telwkomande e dron. Sa te lodhur jeni propqgande leshi. Gjoja fajin e ka 97 dhe jo droga, inkriminimi policise, parate e pista qe kane ngritur halet ne biznesme, deputet e bijte e tyre qe pergatiten per gjykates e prokuror. Fajin e ka 97 dhe jo shteti qe ka hequr dore nga funksionet e tij te ofrimit te rregullave te qarta dhe dheniea se drejtesise.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

I dënuar me burgim të përjetshëm, pendohet pas 26 vitesh anëtari i Camorra-s i njohur si 'Sandokan'

I dënuar me burgim të përjetshëm, pendohet pas 26 vitesh anëtari i Camorra-s i njohur si 'Sandokan'