TIRANE- Mina me telekomandë të krijuara jo vetëm nga aparate celulari por edhe nga reletë e lodrave të fëmijëve, adresa e-mail “beniecen [email protected]”,këto ishin fantazitë e Julian Sinanaj, vrasësit me pagesë që vepronte në Tiranë dhe Durrës.

Sot gazeta “Shqiptarja.com” zbardh pa censurë dëshminë e të penduarit të Prokurorisë së Krimeve të Rënda, ku rrëfehet dhe roli dhe aktiviteti i grupit të Leskajve në Vlorë për vrasjen e gjyqtarit Konomi.

Ndër të tjera, Sinanaj tregon se njëpunonjës policie në Shkodër dhe më pas i transferuar në Durrës kishte ndërmjetësuar në fillim takimin sekret mes Ilir Karçinit, Mëhillajt dhe Sinanajt, takim ku u lidh “kontrata e vdekjes” për eleminimin e Piro Bares.