Ekskluzive/ Hungaria refuzon ekstradimin e 'Babales'

Hungaria refuzon të ekstradojë në Shqipëri Albert Veliun të njohur si "Babalja", i cili është marrë i pandehur për kallëzim të rremë, së bashku me ish-deputetin demokrat, Ervin Salianji.

Burime nga Interpol sqaruan ekskluzivisht për ReportTv se prej disa ditësh ka mbërritur përgjigja e palës hungareze e cila ka refuzuar kërkesën e Ministrisë së Drejtësisë për ekstradimin e Veliut.

Albert Veliu u arrestua dy muaj më parë në Hungari pasi u arratis nga kampi i azilkërkuesve në Kosovë ku qëndroi për disa muaj në pritje të statusit të azilantit politik.

Prej më shumë se 2 javë Prokuroria e Tiranës ka përfunduar hetimet dhe e ka marrë atë të pandehur së bashku me Salianjin dhe Fredi Alizotin me akuzën e kallëzimit të rremë.

Sipas Prokurorisë së Tiranës Babale, Salianji dhe Alizoti u përfshinë në kallëzimin e rremë me audio-përgjimin e montuar duke pretenduar se Albert Veliu fliste për trafik droge me Agron (Geron) Xhafën, vëllain e ish-ministrit të Brendshëm Fatmir Xhafaj.

Fillimisht këto hetime u nisën nga krimet e rënda e pas mbërritje së ekspertizës britanike ku rezultoi se përgjimi ishte i modifikuar hetimet u kaluan për kompetencë Prokurorisë së Tiranës.

Javën e ardhshme Gjykata Penale Tiranë pritet të caktojë seancën paraprake dhe të vendosë nëse do t'i jap OK kërkesës së prokurorisë për marrjen e pandehur dhe nisjen e gjykimit ndaj tre personave mes tyre Babales dhe ish-deputetit demokrat Salianji. Ky i fundit pas marrjes së fashikullit hetimor nga prokuroria dhe komunikimit të akuzës ka publikuar në media edhe pjesë të përgjimeve ku sipas tij Fredi Alizoti është një dëshmitar i manipuluar nga policia.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Boomerang: 23/03/2019 17:44

    Sa turp..,dhe ca Diletantizmi..i P. Dhi_se,me Salinja alla Fabrizio Corona!

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Shpërthen bombola e gazit, digjet apartamenti në Patos

Shpërthen bombola e gazit, digjet apartamenti në Patos