POP 5

Lajmet më të lexuara të 5 minutave të fundit

Sport

Drejt Punës

Ekskluzive/ Igli Tare, karriera e një ylli përmes syve të babait! 'Mjeshtri i Madh' në Report Tv: E dërgova në Gjermani nga mali, grekët donin ta bënin 'vorio-epiriot'

Sot është shqiptarët me të njohur, por kush më mirë se sa personi i parë që i pikasi talentin, mund të na flasë për Igli Taren. Report Tv sjell një rrëfim ekskluziv të Mjeshtrit të Madh, Isa Tare, që kthehet pas në vite duke na treguar rrugëtimin e vështirë të së birit, nga fanella e Partizanit, e deri në drejtimin e klubit të Lazios.

‘Që në vogëli e inkuadrova me klas sportive në basketboll, ndërsa pasdite bënte edhe atletikë edhe futboll’

Të kesh vetëm talent, nuk mjafton. Pas çdo ylli fshihet një punë e palodhur e profesionistëve. Për Igli Taren, futbollistin që e nisi karrierën te klubi i Partizanit, sot drejtor sportiv i Lazios, ishte fat të kishte trajner, babain e tij.

Sot është një nga shqiptarët me të njohur në Europë, me karrierë në Bundesligë dhe Seria A, por në një intervistë ekskluzive për Report Tv, Isai na tregon se rruga drejt suksesit ka qenë tepër e vështirë.

‘Kam paguar 1500 dollarë që kam marrë një vizë çeke për të që e kam dërguar nëpërmjet Pragës. Në mes të dimrit, në shkurt, është nisur në këmbë me një korçar që ishte me të gjithë motrën, kanë kaluar drejt Mynchen ndërkohë që bota ishte sipër brezit. Kur arriti në Gjermani shkonte bënte stërvitje dhe kur kthehej nuk gjente ushqim. Kamp ishte, dhe kur kthehej ia kishin ngrënë shokët”, na tregon Isa Tare.

Në fillesat e tij me fanellën e Partizanit, babai nuk ishte i vetmi që nuhati talentin e Iglit.

‘Grekët kërkuan që ta merrnin. Erdhi një përfaqësues grek këtu në Shqipëri dhe më tha ‘të ndihmojmë në ambasadë’ sepse donin që të bëhej vorio-epiriot. Unë iu thash lërë se e rregulloj vetë”, kujton babai i Igli Tares.

Frytet e punës së tij, “Mjeshtri i Madh”, 27 herë kampion në hedhjen e diskut, i shijon tashmë edhe me ndjesinë më të bukur që Igli i ka dhuruar, të qënit gjysh.

“Ne shkojmë vazhdimisht nga 2-3 në vit në Romë. Shkojmë, takohemi, rrijmë nga një muaj, shikojmë ndeshjet dhe sidomos derbin e Romës. Dhe ai vjen këtu, kemi marrëdhënie shumë të mira. Na ndihmon nga të gjithë anët edhe financiarisht’, tregon Mjestri i Madh, Isa Tare.

Igli Tare prej 12 vitesh është drejtor sportiv i të Lazio-s dhe deri më tani i ka sjellë klubit rreth 250 milionë euro fitime.

 

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Makiwa71: 09/11/2021 18:04

    Sigurisht që më bahet qefi që Igli Tare ka arrit aty ku asht.Ka sakrifiku shumë dhe punu shumë.Dua të shtoj se jam tifoz i Lacios.

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Veliaj jep lajmin e mirë për nxënësit e Tiranës: Bursa për vitin shkollor 2024-2025 dhe ushqim falas në shkollat publike

Veliaj jep lajmin e mirë për nxënësit e Tiranës: Bursa për vitin shkollor 2024-2025 dhe ushqim falas në shkollat publike

18 Dhjetor, 18:09