Ekskluzive/Shkëlzeni e Ismailaj
së bashku në Pragë për CEZ-in

U përfolën shpesh lidhjet e Shkëlzen Berishës me Nuel Kalajn, por tashmë dalin në pah të tjera fakte që e lidhin atë dhe me Kastriot Ismailajn, bosin e kompanisë DIA që do të mblidhte borxhin e CEZ nga institucionet debitore.

Ismailaj tashmë ndodhet në burg, por gjatë viteve 2009-2011 ka udhëtuar shpesh me djalin e ish kryeministrit Sali Berisha.

Report Tv zbardh lëvizjet në kufi të Shkëlzen Berishës dhe Kastriot Ismailajt.

Sipas të dhënave të sistemit TIMS, ata kanë zhvilluar katër udhëtime së bashku nga Tirana për në Vjenë dhe anasjelltas nga Vjena në Tiranë.

Kryeqyteti vjenez njihet si tranzit për në Pragë të Çekisë, ku dyshja pretendohet se ka zhvilluar tratativa me kompaninë CEZ si për privatizimin ashtu edhe për përfitime të metejshme nga kontrata me shtetin shqiptar.

Sipas të dhënave të TIMS-it të përcjellë në Komisionin Hetimor Parlamentar për privatizimin e CEZ, Berisha dhe Ismailaj kanë udhëtuar në të njëjtin avion për në Vjenë në datat 09.12.2010 dhe 20.06.2011.

Shkëlzen Berisha dhe Kastriot Ismailaj kanë bërë check-imin në aeroportin e Rinasit e kanë bërë me pak minuata diferencë mes njëri-tjetrit.

Po ashtu në sistem figurojnë dhe dy fluturime kthimi nga Vjena në Tiranë po së bashku në datat 12.12.2010 dhe 24.10. 2011. 

Lëvizjet e Shkëlzen Berishës, Nuel Kalajt dhe Kastriot Ismailajt sipas komisionit hetimor janë dëshmi për miqësinë mes tyre, ashtu si dhe mohimi i Kalajt për të dëshmuar mbi këtë çështje,e dhe pse është njoftuar tre herë radhazi nga komisioni. 

TAG:
• aferat e klanit berisha