POP 5

Lajmet më të lexuara të 5 minutave të fundit

Ekonomi

Eksportet kthejnë tendencën në rritje gjatë korrikut, minus si 7-mujor

Sipas INSTAT, në korrik 2019 eksportet e mallrave arritën vlerën 28 miliardë lekë, duke u rritur me 3.6%, në krahasim me të njëjtën periudhë të një viti më parë dhe me 8.5%, në krahasim me qershorin 2019.

Eksportet kthejnë tendencën në rritje gjatë korrikut, minus si 7-mujor

Eksportet i janë rikthyer rritjes në korrik, pas një performance të dobët në 6 muajt e parë të vitit. Sipas INSTAT, në korrik 2019 eksportet e mallrave arritën vlerën 28 miliardë lekë, duke u rritur me 3.6%, në krahasim me të njëjtën periudhë të një viti më parë dhe me 8.5%, në krahasim me qershorin 2019. Ndërsa importet e mallrave arritën vlerën 60 miliardë lekë, duke u rritur me 2.3%, në krahasim me një vit më parë dhe me 11.4%, në krahasim me muajin qershor 2019. Deficiti tregtar i këtij muaji është 32 miliardë lekë, duke u rritur me 1.1%, krahasuar me korrikun 2018 dhe 14.1%, në krahasim me muajin qershor 2019.

Por, si shtatëmujor, eksportet e mallrave arritën vlerën 80 miliardë lekë, duke u ulur me 2.6%, krahasuar me një vit më parë dhe importet e mallrave arritën vlerën 377 miliardë lekë, duke u rritur me 2.6%, krahasuar me një vit më parë. Deficiti tregtar arriti vlerën 197 miliardë lekë, duke u rritur me 7.8%, krahasuar me të njëjtën periudhë të 2018-ës.

Në muajin korrik 2019, vendet me të cilët Shqipëria ka pasur rritje më të madhe të eksporteve, në krahasim me një vit më parë janë Kosova (7.3%), Spanja (42.1%), dhe Gjermania (17.1 %). Ndërsa si 7-mujor, vendet me të cilët Shqipëria ka pasur rritje më të madhe të eksporteve, në krahasim me një vit më parë, janë Kosova (24.4%), Gjermania (4.9%) dhe Maqedonia e Veriut (0.5%).

Vendet me të cilët Shqipëria ka pasur rritje më të madhe të importeve, në krahasim me korrik 2018 janë Italia dhe Greqia, kurse si 7-mujor janë Kina dhe Greqia.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Shqipëria në mesin e 4 vendeve europiane me rënien më të lartë të fëmijëve

Shqipëria në mesin e 4 vendeve europiane me rënien më të lartë të fëmijëve

30 Janar, 08:12