POP 5

Lajmet më të lexuara të 5 minutave të fundit

Kultura

Ekspozita/ Situata politike, dhuna në familje edhe ‘Luli i vocërr’ ‘rrëmbejnë’ vëmendjen e artistëve të rinj

Studentët e arteve ekspozojnë veprat e tyre në Fakultetin e Arteve Pamore. Dekani Ardian Isufi shpjegon trajtimin modern që artistët e rinj sjellin mbi tematika të ndryshme sociale.

Studentët e arteve kanë ekspozuar në Fakultetin e Arteve Pamore veprat e realizuara përgjatë këtij viti. Tematika të ndryshme sociale dhe situata të ndryshme politike, si ndotja e mjedisit, dhuna në familje janë trajtuar në letra handmade, grafika edhe instalacione moderne. Dekani i fakultetit të Arteve Pamore, Ardian Isufi rrëfen se këto janë konceptet e artistëve të rinj, që vijnë të trajtuara në mënyrë bashkëkohore.

“Është një konkluzion i fundvitit që vjen nëpërmjet punës konkrete të studentëve. Kemi ekspozuar punët e tyre në letra hanmade, se si kjo kthehet nga një koncept artistik nëpërmjet shtypit edhe kolazhimit, në një koncept bashkëkohor. Ne japim disa tema edhe studentët zhvillojnë përjetimet, konceptet edhe qëndrimet e tyre. Ka shumë histori që vijnë nga jeta edhe ngjarjet, që ata jetojnë çdo ditë. Ka punë që trajtojnë të drejtat edhe liritë e individit apo edhe situata që kalojnë politikanët tanë, edhe kthehen nga lokale në universale”, shprehet Ardian Isufi, dekan i FAP.

Ndërsa, studentët shpjegojnë se përse vëmendja e tyre është tek këto problematika të mprehta  sociale. Dy nga studentët e Grafik Dizajnit, të frymëzuar nga “Luli i vocërr” i Migjenit kanë realizuar një film të animuar (3 min).

“Fillimisht donim që të bazoheshim tek një histori shqiptare. Vetëm në fund vendosëm që të trajtonim “Lulin e vocërr” të Migjenit, si një personazh tipik shqiptar. Por ne e kemi realizuar këtë film të animuar, duke pasur në vëmendje leximin”, .

Veprat e artistëve të Grafik Dizajnit do të vazhdojnë që të qëndrojnë të ekspozuara në Fakultetin e Arteve Pamore.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça