POP 5

Lajmet më të lexuara të 5 minutave të fundit

Kronikë

Elbasan/ 2 të ndaluar arratisen nga Drejtoria e Policisë, njëri kapet! Do transferoheshin në paraburgim! Në hetim policët që u ikën me vrap 2 hajdutët (EMRAT)

Nazmi Liçi dhe Ervis Peqini, ishin ndaluar nga policia e Elbasanit për vjedhje dhe sot dolën për masë sigurie në gjykatë. Pasi ka mbaruar seanca dy të arrestuarit janë transportuar me makinë në ambientet e Drejtorisë së Policisë nga ku dhe janë larguar me vrap.

ELBASAN - Dy të paraburgosur u arratisën mesditën e sotme (31 dhjetor 2024) nga ambientet e Drejtorisë Vendore të Policisë së Elbasanit.

Nazmi Liçi, 29 vjeç dhe Ervis Peqini, 33 vjeç ishin ndaluar nga policia e Elbasanit për vjedhje dhe sot kishin masën e sigurisë në gjykatë. Pasi ka mbaruar seanca dy të arrestuarit janë transportuar me makinë në ambientet e Drejtorisë së Policisë, informon gazetari i Report Tv, Ronaldo Gjoshi. 

Arratisja ka ndodhur në momentin kur dy të ndaluarit pasi i kanë zbritur nga automjeti shërbimet e Policisë me qëllim kryerjen e procedurave për transferim në IEVP, kanë mundur të largohen me vrap nga ambientet e DVP Elbasan, ndërsa dihet që godina e drejtorisë së policisë është në rikonstruksion. 

Deri tani është bërë e mundur kapja Ervin Peqinit dhe vijon puna për kapjen e tjetrit.

Në lidhje me këtë rast, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur hetimin disiplinor ndaj punonjësve të Policisë dhe Agjencia e Mbikëqyrjes Policore ka nisur hetimin penal.

Njoftimi i policisë: 

Mesditën e sotme, shtetasit , pas masës së sigurisë në Gjykatën e Elbasanit, të ndaluar më datë 28.12.2024, për veprën penale "Vjedhja", pasi i kanë zbritur nga automjeti shërbimet e Policisë me qëllim kryerjen e procedurave për transferim në IEVP, këta shtetas kanë mundur të largohen me vrap nga ambientet e DVP Elbasan.

Si rezultat i veprimeve policore është bërë e mundur kapja e njërit prej tyre, shtetasit E. P., dhe vijon puna për kapjen e shtetasit tjetër, N. L..

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Beteja ligjore mes Lëvizjes Vetëvendosje dhe Listës Serbe

Beteja ligjore mes Lëvizjes Vetëvendosje dhe Listës Serbe

3 Janar, 22:29