Në vijim të vizitës së saj në qytetin e Elbasanit,  Ambasadorja çeke në Tiranë, Branislava Tomasova  u ndal në teatrin " Skampa" ku ambasada çeke në bashkëpunim me Ministrinë e Kulturës kanë nisur një tur teatror në disa qytete të vendit.

Artistët çekë janë ndalur fillimisht në qytetin e Elbasanit, ku trupa prej 10 artistësh ka performuar për femijët në teatrin " Skampa" shfaqjen " Bukuroshja e fjetur". Fëmijët e shunë shkollave të qytetit në fillim të shfaqjes janë përshendetur edhe nga ambasadorja çeke, e cila i ka ftuar ata të shijojnë këtë shfaqje që nuk është në gjuhën e tyre, por do tu shpjegohet me shumë dashuri e gjithë përralla.

Kjo shfaqje vjen si dhuratë për fëmijët edhe me nisjen e vitit të ri shkollor. Trupa çeke pas Elbasanit do ta vijojë turin në qytetin e Shkodrës./ATSH/