ELBASAN- Miranda Sadiku-Në muajin janar të vitit 2015, Shërbimi Social Shtetëror në Elbasan do të ketë në dispozicion ambjente të reja, për komisionimin e personave me aftësi të kufizuar.
Këtë gjë e bëri të ditur drejtoresha e këtij institucioni Marsida Haxhiu, e cila deklaroi se " drejtoria e përgjithshme e shërbimit social shtetror ka premtuar se në fillim të vitit 2015, komisioni i Kempit të shërbimit social nuk do të jetë më pranë drejtorisë së sigurimeve shoqërore".
Sipas saj, " kjo zgjidhje do të lehtësojë qytetarët, të cilët rrinë në radhë pranë ISSH, pasi në këtë isntitucion komisionohen edhe invalidët e punës, që përfitojnë pension invalididteti nga sigurimet shoqërore".
Prej shumë kohësh shërbimi social dhe drejtoria e sigurimeve shoqërore në Elbasan, kanë pasur përplasje sa i përket mungesës së ambjenteve për komisionet e Kempit për invalidët e punës dhe ata që janë të pasiguruar./ATSH/