POP 5

Lajmet më të lexuara të 5 minutave të fundit

Kronikë

Elbasan/ Zjarri në fabrikën e plastikës në ish-Metalurgjik, shpallet në kërkim administratori i kompanisë

Administratori i fabrikës së plastikës në zonën e Metalurgjikut në Elbasan, që u përfshi dje nga flakët e zjarrit është shpallur në kërkim nga policia.

Elbasan/ Zjarri në fabrikën e plastikës në ish-Metalurgjik, shpallet në kërkim administratori i kompanisë

Zjarri në fabrikën e plastikës, Bradashesh, Elbasan

ELBASAN - Ditën e djeshme zjarri përfshiu një fabrikë plastike në zonën e Metalurgjikut në Elbasan.

Fatmirësisht nuk pati të lënduar, megjithëse flakët e zjarrit pushtuan fabrikën teksa brenda punohej.

Fillimisht u tha se shkaku i zjarrit ishte një shkëndijë elektrike. Sakaq, ditën e sotme policia bën me dije se është shpallur në kërkim administratori i kompanisë për prodhimin e plastikës. Bëhet fjalë për 54 vjeçarin K.B.

'Komisariati i Policisë Elbasan referoi materialet në Prokurori dhe shpalli në kërkim shtetasin K. B., 54 vjeç, me detyrë administrator në një kompani për prodhimin e plastikës, pasi në fabrikën palstike, në fshatin Bradashesh, ka rënë zjarr dhe si pasojë e tymit të çliruar u shkaktua ndotje e ajrit.'

Flakët që dyshohet të jenë shkaktuar nga një shkëndijë elektrike, përfshinë tuba dhe arka plastike që ndodheshin në pjesën e jashtme të fabrikës duke rrezkuar dhe fabrikat që ndodheshin ngjitur në zonën e ish Metalurgjikut në Bradashesh, ku vepron dhe KURUM.

Për të shuar zjarrin që fatmirësisht nuk la pas të lënduar, u desh ndërhyrja e 10 mjeteve zjarrfikëse dhe rreth 40 efektivëve, jo vetëm nga Elbasani por edhe nga Tirana.

Për më shumë se një 1 orë zjarrfikëset luftuan me flakët dhe arritën ta vinin nën kontroll, ndërsa shtëllungat e mëdha të tymit të favorizuara dhe nga era mbuluan të gjithë qytetin.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    PD përsërit kërkesën për qeveri teknike përpara zgjedhjeve, si e vlerësoni?

Lajme të tjera



×

Lajmi i fundit

Spahiu: Heqja e Topallit, Harxhit dhe Imamit, provuan që listat i bënte gjithmonë Berisha, jo Basha

Spahiu: Heqja e Topallit, Harxhit dhe Imamit, provuan që listat i bënte gjithmonë Berisha, jo Basha

5 Shtator, 23:00