Eliminimi nga Champions League, Luis Enrique: Futbolli është i padrejtë

Eliminimi nga Champions League, Luis Enrique: Futbolli është i padrejtë

Luis Enrique

Trajneri i PSG-së, Luis Enrique u shpreh i zhgënjyer për eliminimin nga Champions League vetëm një hap larg finales, edhe për faktin se mbrëmjen e së martës të tijtë goditën 31 herë portën, mes tyre katër shtylla, por në fund Dortmund fitoi edhe ndeshjen e dytë 0-1.

"Meqë rezultati është ky, sigurisht që tregon se ishte një ndeshje e vështirë. E prisja një ndeshje të ngushtë, por të jem i sinqertë, mendova se e meritonim të fitonim. Ne bëmë 31 goditje, nga të cilat 4 prej tyre goditën shtyllën e portës kundërshtare.

Të paktën në dy ndeshjet gjysmëfinale e goditëm shtyllën 6 herë, por nuk shënuam asnjë gol. Kjo është e pabesueshme. Futbolli ndonjëherë është kaq i padrejtë", tha spanjolli.

Luis Enrique më pas uroi që Dortmund ta fitojë këtë trofe në finalen e Uembley më 1 qershor, teksa sot një mes Real Madrid dhe Bayern Munich (2-2) do marrë biletën e dytë të finales.

"Urime për ta, janë një ekip i madh. Luajtën shkëlqyeshëm ndaj nesh, shpresoj se mund ta bëjnë këtë edhe në finale, madje ta fitojnë atë. Ne po përpiqemi të krijojmë diçka pozitive. Tani është një moment i trishtuar, por në të njëjtën kohë sporti funksionon edhe në këtë mënyrë. Ne duhet të krijojmë diçka të veçantë sezonin e ardhshëm dhe të përpiqemi ta fitojmë këtë kompeticion", tha Enrique.

 

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet Rama të pranojë një qeveri teknike siç pretendon Sali Berisha?



×

Lajmi i fundit

Operacion antidrogë në Tiranë, po ekzekutohen 20 urdhërarreste! Sekuestrohet mbi 1 kg kokainë

Operacion antidrogë në Tiranë, po ekzekutohen 20 urdhërarreste! Sekuestrohet mbi 1 kg kokainë