POP 5

Lajmet më të lexuara të 5 minutave të fundit

Opinion

Elisa Spiropali: “Pavarësinë, shqiptari e ka në gen ndërsa amerikani në Kushtetutë”

“Pavarësinë, shqiptari e ka në gen ndërsa amerikani në Kushtetutë” – këto janë fjalët për “Zërin e Amerikës” të At Arthur Liolin, Kryekancelar i Kryepeshkopatës Ortodokse Shqiptare në Amerikë, dishepull i Fan Nolit

Elisa Spiropali: “Pavarësinë, shqiptari e ka në gen ndërsa amerikani në Kushtetutë”

At Arthur Lioli

“Pavarësinë, shqiptari e ka në gen ndërsa amerikani në Kushtetutë” – këto janë fjalët për “Zërin e Amerikës” të At Arthur Liolin, Kryekancelar i Kryepeshkopatës Ortodokse Shqiptare në Amerikë, dishepull i Fan Nolit.

Duke i’u referuar F. Nolit, atit të tij shpirtëror, At Liolin pohonte se “Noli përdorte kapelen e peshkopit për çështje fetare por edhe kapelën e Vatrës për çështjen kombëtare”.

Këto janë mësimet që At Liolin i vuri në jetë më pasionin e shqiptarit që nuk diti të ndajë dashurinë për Zotin nga ajo për Shqipërinë.

Fati e deshi që shumë misionarë fetarë shqiptarë, veç misionit parësor të predikimit, të merreshin edhe me politikë për shkak të nevojës urgjente që kishte populli shqiptar nën thundrën e diktaturës. Të “huaj” në atdheun e tyre ai e shumë bashkëvëllezër të tij që Shqipëria e origjinës së tyre, duke jetuar kohë absurde, nuk i deshi. Me shtetësi të plotë institucionale e shpirtërore në Amerikën e lirisë e ku frymën e kësaj lirie kërkuan me të gjitha mënyrat ta përcjellin tek vëllezërit e gjakut që vuanin përtej oqeanit!

At Liolin si dishepull besnik i Nolit, dha një mbështetje të jashtëzakonshme për Vatrën ku shqiptarë të të tri feve e deshen Shqipërinë e Zotin si mision të pandarë jetik! Dashuria për Zotin nuk është e tillë, nëse nuk është edhe dashuri për vëllezërit.

At Liolin dëshmon se në një dorëshkrim të Nolit në Kishën e Shën Gjergjit gjenden këto vargje:

Nën qiell dielli shuhet ngadalë /

Dhe oqeani cep më cep ka heshtur; /

Më nis o mëmëdhe nga larg një valë /

Që ta kuptosh se malli s’më ka vdekur.

At Liolin e deshi njësoj Shqipërinë e rrënjëve të tij dhe Amerikën ku kish lindur.

Ja pse lutja jonë sot i bashkohet bashkësisë shqiptare të Amerikës e bëhet një e vetme në thirrjen drejtuar Hyjit për shpirtin e tij. Për besimtarët vdekja nuk është vetëm tragjedi por edhe urë e takimit me Hyjin, ndaj përveç lutjeve për shpirtin e Tij, do t’i kërkoja At Liolin që të lutet për Shqipërinë nga Mbretëria e Hyjit ku do gjejë paqen e pasosur e mirënjohjen e shumë shqiptarëve!

Amen!

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • luani: 30/09/2023 23:41

    me nis o memedhe nje nga larg nje vale qe ta kuptosh se malli sme ka vdekur memedhe sa fjale e bukur atje ku te mbjell zoti

    Përgjigju
  • Maksi: 30/09/2023 13:03

    Eh mor At Liolin! Sikur te qe gjalle e cte te shohesh? Trashegimtaret e enverizmit madje edhe me te korruptuar dhe ligj se trashegimlenesit, perdhosin cdo etike e moral duke perlotur si korkodili. Ca dite me pare me shenjtin At Zef Pllumi, e sot me At Liolin!!! Ku shkon farsa e hipokrizise.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu